Ռուս–թուրքական մոնիթորինգային կենտրոնը ֆորմալ բնույթ կրող կառույցի տպավորություն է թողնում

© Photo : Минобороны РоссииОткрытие совместного российско-турецкого центра по контролю за прекращением огня и всех военных действий в зоне нагорно-карабахского конфликта в городе Агдам
Открытие совместного российско-турецкого центра по контролю за прекращением огня и всех военных действий в зоне нагорно-карабахского конфликта в городе Агдам - Sputnik Արմենիա, 1920, 01.02.2021
Բաժանորդագրվեք
НовостиTelegram
«Ռազմինֆո» կայքի փորձագետ Հայկ Խաչիկյանը Sputnik Արմենիայի եթերում խոսել է վերջերս Աղդամում բացված ռուս–թուրքական մոնիթորինգային կենտրոնի մասին։

ԵՐԵՎԱՆ, 1 փետրվարի - Sputnik. Հայկ Խաչիկյանի խոսքով` մամուլում առկա հրապարակումներից ստեղծվել է այնպիսի տպավորություն, որ կենտրոնը տեղակայվել է Աղդամ քաղաքում, բայց իրականում այնտեղ չէ, չնայած որ տեխնիկապես տեղակայված է ադրբեջանական կողմում, իսկ ավելի կոնկրետ` մոնիթորինգային կենտրոնը բացվել է Մարզիլու գյուղից դեպի արևելք ընկած հատվածում, որտեղ նախկինում տեղակայված էին հայկական դիրքերը։ 

Արցախում ռուս խաղաղապահների համար բլոկ-մոդուլային ավան է կառուցվել

«Պարզ է, որ նախկինում դիրքերից նման հեռավորության վրա բազա չէին կառուցի, ինչը տրամաբանական և օպտիմալ չէր լինի։ Առհասարակ չեմ կարծում, որ մոնիթորինգային կենտրոնի կառուցումը պայմանավորված է խորհրդանշական տեղով, չեմ կարծում, որ բազան կառուցողներն ունեցել են նման հաշվարկներ, պարզապես այն տեղակայվել է ադրբեջանական վերահսկողության տակ եղած տարածքում»,– նշեց «Ռազմինֆո» կայքի փորձագետը։

Խաչիկյան. «Ռուս–թուրքական մոնիթորինգային կենտրոնի աշխատանքը հնարավոր կլինի հստակ գնահատել ապագայում»

Անդրադառնալով այն հարցին, թե արդյո՞ք Ադրբեջանը չի ցանկանում հոգեբանական ճնշում գործադրել հայկական կողմի վրա` մոնիթորինգային կենտրոնը տեղակայելով հենց Աղդամում, Հայկ Խաչիկյանն ընդգծեց, որ պատերազմից առաջ նմանատիպ հոգեբանական խնդիրներ ունեին հենց ադրբեջանցիները, և հիմա սպասելի է այն, որ հետագայում շինարարական աշխատանքներ կիրականացվեն ոչ միայն բուն Աղդամում, այլև հարակից այլ տարածքներում, և դրանց մասին շարունակ կգրեն ու կխոսեն ադրբեջանական լրատվամիջոցները։

Թուրքիայի ու Ադրբեջանի այս քաղաքականությունն արժանի է ամենախիստ դատապարտման. Արցախի ԱԳՆ

Իսկ ինչ վերաբերում է թուրքական ներկայությանը, ապա փորձագետի կարծիքով`դա պետք է դիտարկել բացառապես համատեղ մոնիթորինգային կենտրոնի գործունեության շրջանակներում, թեև թուրքերի հետագա ծրագրերը հայտնի չեն, ինչպես նաև հայտնի չէ, թե ապագայում ուրիշ որ տարածքներում կտեղակայվեն թուրքական ստորաբաժանումները։

Ըստ նրա`մոնիթորինգային կենտրոնը դեռևս ֆորմալ բնույթ կրող կառույցի տպավորություն է թողնում, և հստակ գնահատականներ հնարավոր կլինի տալ հետագայում։ 

Լրահոս
0