«2018-ին ժողովուրդը խորհրդարան է բերել մի խումբ, որի համար կարևոր չէ՝ Արցախն ում հողն է»

© Sputnik / Asatur YesayantsЗадержание Гехама Манукяна во время акции протеста у здания Парламента (3 февраля 2021). Еревaн
Задержание Гехама Манукяна во время акции протеста у здания Парламента (3 февраля 2021). Еревaн - Sputnik Արմենիա, 1920, 03.02.2021
Բաժանորդագրվեք
НовостиTelegram
ԱԺ-ում արտահերթ նիստ է հրավիրված, և ցուցարարները փորձում են խոչընդոտել պատգամավորների մուտքը խորհրդարան։

ԵՐԵՎԱՆ, 3 փետրվարի - Sputnik. Հայ ժողովուրդը պետք է իմանա, որ 2018 թվականին դեկտեմբերին խորհրդարան է բերել 88 հոգանոց պատգամավորական խումբ, որը կարծում է, որ կարևոր չէ, թե Արցախն ում հողն է, ուզում է մոռանանք պատերազմն ու մտածում է՝ ոնց անենք, որ ադրբեջանցիների հետ խաղաղ ապրենք։ Այս մասին լրագրողների հետ զրույցում ասաց ՀՅԴ-ական Գեղամ Մանուկյանը։

Митингующие бросили листовки, а полиция начала задержания - Sputnik Արմենիա, 1920, 03.02.2021
Ոստիկանությունը բերման է ենթարկում ցուցարարներին. նրանք մինչ այդ թռուցիկներ տարածեցին

«Դրան գումարենք Նիկոլ Փաշինյանի այն կարծիքը, որ Շուշին հայկական չէ, մեկ այլ ապուշ պատգամավորի խոսքը, թե Կարսը հայկական չէ, այնտեղ քրդեր են ապրում, և այսպես շարունակ»,-ասաց Մանուկյանը։

Նշենք, որ Հայրենիքի փրկության շարժումը բողոքի ակցիա է անցկացնում Ազգային ժողովի շենքի դիմաց՝ Դեմիրճյան փողոցում, որտեղ հավաքվել են տասնյակ քաղաքացիներ և շարունակում են պահանջել կառավարության ու վարչապետի հրաժարականը:

Զուգահեռ ժամը 11-ին ԱԺ-ում արտահերթ նիստն է մեկնարկել, ցուցարարները փորձում են խոչընդոտել ԱԺ պատգամավորների մուտքը խորհրդարան։

«Հերթական անգամ իշխանությունը փորձ է անում հապշտապ օրենքների փոփոխություններ իրականացնել։ Էլի ձևափոխում են դատական համակարգը »,-ասաց Մանուկյանը և շեշտեց, որ ներկայիս իշխանությունն ամեն ինչ անում է ազդելու համար այն դատավորների վրա, որոնք դեռ փորձում են արդարացի որոշում կայացնել և մարդկանց անհիմն չկալանավորել։

Որոշ ժամանակ անց ոստիկանները բերման ենթարկեցին Գեղամ Մանուկյանին։

Հիշեցնենք, որ բողոքի ակցիաները՝ վարչապետի հրաժարականի պահանջով, սկսվել են նոյեմբերի 9-ի եռակողմ հայտարարության ստորագրումից հետո։ 

Ընդդիմադիրները բողոքի ակցիա են իրականացնում ԱԺ-ի մոտ. կա բերման ենթարկված առնվազն մեկ մարդ

Լրահոս
0