Համացանցում դեռևս շարունակում են ակտիվորեն քննարկել օրերս Երևանում անչափահաս տղայի մահվան առեղծվածը. Ոստիկանության քրեական հետախուզության գլխավոր վարչության անչափահասների իրավունքների պաշտպանության և ընտանեկան բռնության դեմ պայքարի վարչության պետ, գնդապետ Նելլի Դուրյանը հորդորում է դադարեցնել դեպքի մասին քննարկումները, փոխարենը խորհուրդ է տալիս սպասել մինչև իրավապահներն ավարտեն քննությունը։
«Ամբողջ համացանցը ողողված է այս լուրով, որքանով է դա ճիշտ նախ` ծնողների հանդեպ, երկրորդը` միանգամից եզրակացություն են անում, որ, այո, դեպքը եղել է խաղի պատճառով, մի փոքր պետք է համբերել ուղղակի։ Մինչև նախաքննությունը չավարտվի, որևէ վարկած չենք կարող հերքել կամ հաստատել»,- ասաց նա։
Գնդապետն ասում է` դեպքից հետո հեռախոսազանգերը չեն դադարում. շատերն ահազանգում են, որ իրենց երեխաները խաղի մասին չէին էլ լսել, հիմա սկսել են համացանցում փնտրել, հետաքրքրվել դրանով։ Ուստի կարևոր է հասկանալ` նման տեղեկությունները որքանով կարող են նպաստել կամ վնասել դեռահասներին վտանգավոր ճանապարհից հետ պահելու համար։
«Մեր երեխաների մի մասն ամբողջ օրն անցկացնում է համացանցում, չէ որ ինքն էլ է տեսնում, ինքն էլ է հետաքրքրվում այդ վտանգավոր խաղով»,- նշեց Դուրյանը։
Ոստիկանությունում դեռևս 4 տարի առաջ են փորձել համակարգչային խաղերի հետևանքով ողբերգական ելքերից խուսափելու լուծման ուղիներ գտնել։ 2017-ի գարնանից սկսած`անչափահասների հարցերով զբաղվող ոստիկանության ստորաբաժանման ծառայողներն այցելել են տարբեր դպրոցներ և մանկավարժների ու ծնողների հետ զրուցել խաղերի, դրանց բացասական հետևանքների մասին։
Իլոն Մասկը չիպավորել է կապիկին. կենդանին համակարգչային խաղեր է խաղում
«Ուսումնասիրությունները ցույց են տալիս, որ եթե աշակերտների հետ խոսում ես, անուն ես տալիս, դա ավելի է հետաքրքրում նրանց` հակառակ ազդեցություն է ունենում, ուստի անհրաժեշտ է շատ զգուշորեն վարվել»,- պարզաբանեց ոստիկանության գնդապետը։
Զրույցն ամբողջությամբ կարող եք դիտել տեսանյութում։
