Գյումրեցի կնոջ սպանության գործը. իրավահաջորդները դժգոհ են հեռավար նիստերից

© Sputnik / Armenuhi MkhoyanЗдание суда общей юрисдикции Ширакской области
Здание суда общей юрисдикции Ширакской области - Sputnik Արմենիա, 1920, 03.02.2021
Ինչպես նախորդ նիստին, այս անգամ ևս տուժողի իրավահաջորդը և նրա ներկայացուցիչը նշել են, որ ամբաստանյալների` դատական նիստին հեռավար մասնակցելու կարգ, որպես այդպիսին, սահմանված չէ և հնարավոր է` իրենք բողոքարկեն որոշումը:

ԵՐԵՎԱՆ, 3 փետրվարի – Sputnik. Շիրակի մարզի ընդհանուր իրավասության դատարանում Ջուլիետա Ղուկասյանի սպանության գործով դատական նիստն այսօր` փետրվարի 3–ին, հերթական անգամ հետաձգվեց. փաստաթղթերն ամբողջովին թարգմանված ու անբաստանյալին ներկայացված չէին:

Судебное заседание по делу смерти Джулиетты Гукасян (4 февраля 2020). Гюмри - Sputnik Արմենիա, 1920, 04.02.2020
Գյումրեցի կնոջ սպանության մեջ մեղադրվող ռուս զինծառայողն իրեն մեղավոր չի ճանաչում. պաշտպան

«Նախաքննության փուլում անբաստանյալին հասանելի լեզվով պետք է բոլոր ապացույցները ներկայացվեն»,-նշեց տուժողի իրավահաջորդի ներկայացուցիչ Արայիկ Զալյանը:

Նշենք, որ ինչպես նախորդ անգամ` այս անգամ ևս նիստն անցավ հեռավար. ամբաստանյալ Անդրեյ Ռազգիլդեևը գրավոր միջնորդություն էր ներկայացրել դատարան` խնդրելով նիստն անցկացնել ռազմաբազայի տարածքում կամ իր ներկայությունն ապահովել տեսակապի միջոցով։ Որպես հիմնավորում ներկայացվել էր կորոնավիրուսի համավարակը:

Նույն հիմնավորմամբ արդեն երկրորդ դատն է` նիստերին չի թույլատվում ներկա գտնվել նաև լրագրողներին:

Ինչպես նախորդ նիստին, այս անգամ ևս տուժողի իրավահաջորդը և նրա ներկայացուցիչը նշել են, որ ամբաստանյալների` դատական նիստին հեռավար մասնակցելու կարգ, որպես այդպիսին, սահմանված չէ և հնարավոր է` իրենք բողոքարկեն որոշումը:

Գյումրեցի կնոջը սպանած ռուս զինծառայողի դատը չկայացավ

«Հեռավար կարգ քրեական դատավարությունը ենթադրում է տուժողների, վկաների համար, բայց ամբաստանյալի դեպքում նման կարգ գոյություն չունի: Սա ասել եմ նախորդ դատական նիստին, այս անգամ ևս իմ կարծիքը չեմ փոխում՝ միանշանակ ապօրինի որոշում է՝ տուժող կողմը նման որոշման հետ համաձայն չէ»,- նշեց տուժողի իրավահաջորդի ներկայացուցիչ Արայիկ Զալյանը:

Հիշեցնենք` Անդրեյ Ռազգիլդեևին մեղադրանք է առաջադրվել այն բանի համար, որ նա 2018 թվականի դեկտեմբերի 2-ին` ժամը 07։00-ի սահմաններում, ալկոհոլի ազդեցության տակ Գյումրի քաղաքի Մայակովսկի փողոցում տեսնելով Գյումրի քաղաքի բնակիչ Ջուլիետա Ստյոպայի Ղուկասյանին (ծնված 02.12.1961 թ. ), հետևել է նրան:

Ռազգիլդեևը, հասնելով կնոջը, դիտավորությամբ բազմաթիվ հարվածներ է հասցրել նրա գլխին և մարմնի տարբեր մասերին` պատճառելով մարմնական վնասվածքներ։ Ջուլիետա Ղուկասյանը մարմնական վնասվածքներով տեղափոխվել է Գյումրու բժշկական կենտրոն, որտեղ նույն օրը` ժամը 11:30-ին, մահացել է։

Այս գործով դատական հաջորդ նիստը նշանակվեց փետրվարի 22–ին:

Գյումրեցի կնոջ դաժան սպանությունը բացահայտված է. զինծառայողը խմած է եղել

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала