Фон для радио  - Sputnik Արմենիա, 1920
ՌԱԴԻՈ

«Սխալ կլինի թողնել, որ Փաշինյանն իր թիմով մասնակցի ընտրություններին ու վերարտադրվի»

© Sputnik / Andranik GhazaryanСтепан Даниелян
Степан Даниелян - Sputnik Արմենիա, 1920, 03.02.2021
Բաժանորդագրվեք
НовостиTelegram
Քաղաքագետ Ստեփան Դանիելյանը Sputnik Արմենիայի եթերում անդրադարձել է այն հարցին, թե հնարավո՞ր են արդյոք վերաձևավորումներ ներքաղաքական դաշտի ընդդիմադիր հատվածում, եթե հաշվի առնենք Ռոբերտ Քոչարյանի ակտիվ մասնակցությունը Հայրենիքի փրկության շարժման աշխատանքներին։
Դանիելյան. «Ենթադրաբար կլինեն ուժեր, որոնց համար որպես վարչապետի թեկնածու ընդունելի կլինի Քոչարյանը»

Ստեփան Դանիելյանի դիտարկմամբ` առաջին հերթին պետք է տարանջատել Հայրենիքի փրկության շարժման խնդիրները և ընտրությունները, այսինքն` բոլոր տարբերակներում այն տեսակետն է հնչում, որ ընտրություններ լինելու են, բայց դրանք ո՞ր կառավարությունն է կազմակերպելու` Փաշինյանի՞, Վազգեն Մանուկյանի՞, թե՞ նոր քաղաքական ուժի, քանի որ քաղաքագետը չբացառեց և այն տարբերակը, որ իշխանությունը կփորձի գնալ փոխզիջման և ընտրել այլընտրանքային տարբերակ։

Роберт Кочарян на судебном заседании по делу 1 марта (25 февраля 2020). Еревaн - Sputnik Արմենիա, 1920, 02.02.2021
Ռոբերտ Քոչարյանը և Սերժ Սարգսյանը հանդիպել են Հայրենիքի փրկության շարժման ղեկավարների հետ

«Եթե այլ սցենար կիրառվի, ապա Հայրենիքի փրկության շարժումը, արդեն որպես ձևաչափ, գոյություն չի ունենա և կուսակցություններից յուրաքանչյուրն առանձին կամ կոալիցիաներով կմասնակցի ընտրություններին։ Այսինքն`շուտ անցկացվելիք ընտրությունների պարագայում շարժումն ինքնալուծարվելու է, կամ եթե նույնիսկ Վազգեն Մանուկյանը դառնա վարչապետ, ապա մեկ տարի հետո էլ շարժումը, որպես այդպիսին, չի մասնակցի ընտրություններին»,– նշեց քաղաքագետը։

Դանիելյանի կարծիքով`ցանկացած տարբերակի դեպքում ընտրություններին չմասնակցել չի լինի և սխալ կլինի թողնել, որ Փաշինյանը, որպես կողմ, իր թիմով մասնակցի ու վերարտադրվի։ Ըստ նրա, երբ ընտրությունների մասին հայտարարվի, կուսակցություններն առանձին–առանձին կգնան իրենց ճանապարհով, ընդ որում` որևէ պայմանավորվածություն չի եղել, որ Հայրենիքի փորկության շարժումը, որպես քաղաքական ձևաչափ, մասնակցի ընտրություններին։ 

Քաղաքագետը ենթադրեց, որ կլինեն ուժեր, որոնց համար որպես վարչապետի թեկնածու ընդունելի կլինի Ռոբերտ Քոչարյանը` հաշվի առնելով նրա փորձը և ազդեցությունը Ռուսաստանում, որովհետև ՌԴ–ն շատ կարևոր գործոն է դարձել մեր երկրում, և առանց նրա հետ համագործակցության հնարավոր չէ այսօր որևէ խնդիր լուծել։ 

Նիկոլ Փաշինյանն Արարատի մարզում է. տեսանյութ

Լրահոս
0