Ստամբուլում ուսանողների զանգվածային բողոքի ակցիանների ընթացքում մոտ 160 մարդ է ձերբակալվել։ Երիտասարդության վրդովմունքի առիթը Թուրքիայի նախագահ Ռեջեփ Թայիփ Էրդողանի կողմից Բոսֆորի համալսարանի նոր ռեկտորի նշանակումն է։ Նա 2015-ին կայացած խորհրդարանական ընտրություններում իշխող «Արդարություն և զարգացում» կուսակցությունից առաջադրված տնտեսագետ Մելիհ Բուլուն է։
Արդեն երկրորդ դեպքն է, երբ Էրդողանը համալսարանի ռեկտոր է նշանակում իր թիմակցին։ Մինչև 2016-ի հուլիսը թուրքական բուհերի ռեկտորներն ընտրվում էին քվեարկության միջոցով, ինչպես ընդունված է ամբողջ աշխարհում:
Բողոքի ակցիայի ընթացքում ուսանողները նույնիսկ պատ են կազմել ռեկտորի աշխատասենյակի մոտ։ Նրանք կտրականապես հրաժարվում են դադարեցնել հանրահավաքները, որոնք խիստ խաղաղ բնույթ են կրում։ Որոշ տվյալներով ՝ ոստիկանությունն անհամաչափ ուժ է կիրառել ցուցարարներին ցրելու համար։
Նշենք, որ ցուցարարները պահանջում են ոչ միայն նոր ռեկտորի հրաժարականը, այլ նաև ավելի վաղ ձերբակալված չորս ուսանողների ազատ արձակումը:
