Ասկերանում ու Մարտունիում պայթյուններ կլինեն. սակրավորներն են աշխատելու

© Photo : official site of the MES of RFПиротехники МЧС России проводят разминирование территорий Карабаха (9 декабря 2020). Село Ачапняк
Пиротехники МЧС России проводят разминирование территорий Карабаха (9 декабря 2020). Село Ачапняк - Sputnik Արմենիա, 1920, 05.02.2021
Բաժանորդագրվեք
НовостиTelegram
Արցախում շարունակվում են ականազերծման աշխատանքները։ Դրանց մասնակցում են թե՛ հայ, թե՛ ռուս սակրավորները։

ԵՐԵՎԱՆ, 5 փետրվարի – Sputnik. Արցախի ներքին գործերի նախարարության ԱԻ պետական ծառայությունն իրազեկում է, որ այսօր «Հումանիտար ականազերծման կենտրոն» հիմնադրամը չպայթած զենք-զինամթերքի վնասազերծման աշխատանքներ է նախատեսում Ասկերանի շրջանի Խնածախ և Այգեստան համայնքներում, ինչպես նաև Մարտունի քաղաքի տարածքում:

Дым от попадания снаряда в пригороде Степанакерта (29 октября 2020). Карабах - Sputnik Արմենիա, 1920, 25.01.2021
Ստեփանակերտում պայթյունների ձայներ կլսվեն

Նշվում է նաև, որ ԱԻ ծառայության և ՌԴ ԱԻՆ սակրավորական ջոկատներն այսօր պայթեցման աշխատանքներ կկատարեն Մարտունու շրջանի Ծովատեղ, Կոլխոզաշեն, Ասկերանի շրջանի Մխիթարաշեն և Բերքաձոր գյուղերում:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

Լրահոս
0