«Որ Արցախը վերադարձվի». հայուհին բացատրել է կոմպոզիցիայի ընտրությունը ՌԴ առաջնությունում

© Photo : YouTube / Screenshot / Первый каналАделия Петросян на первенстве России по фигурному катанию среди юниоров 2021
Аделия Петросян на первенстве России по фигурному катанию среди юниоров 2021 - Sputnik Արմենիա, 1920, 05.02.2021
Բաժանորդագրվեք
Ադելիա Պետրոսյանը Կրասնոյարսկում նվաճել է պատանիների երկրի առաջնության արծաթե մեդալը:

ԵՐԵՎԱՆ, 5 փետրվարի – Sputnik. Ռուսաստանաբնակ գեղասահորդուհի Ադելիա Պետրոսյանը, որը մասնակցել է Ռուսաստանի առաջնությանը, խոստովանել է, որ ցանկանում է իր հաղթանակները նվիրել պատմական հայրենիքին, հաղորդում է Սպորտ էքսպրեսը:

Ռուսաստանի պատանեկան առաջնությունում Ադելիան հանդես է եկել «Արցախ» կոմպոզիցիայի ներքո:

«Ես հայրական կողմից հայուհի եմ։ Ինձ համար շատ կարևոր է, որ երբ ես սահում եմ ծրագրով, քաջալերեմ իմ ժողովրդին, որի արյունը հոսում է իմ երակներում, և որ Արցախը վերադարձնեն Հայաստանին», - ասել է պատանի գեղասահորդուհին։

Ադելիան ինքը Արցախում չի եղել, բայց սառույցի վրա իր հաղթանակները ցանկանում է նվիրել պատմական հայրենիքին։

«Բացի այդ, բոլորովին վերջերս` երբ ես պատրաստում էի այս ծրագիրը, մահացավ իմ հայ տատիկը։ Եվ ինձ համար դա էլ է կարևոր։ Ես ուզում եմ, որ բոլորը տեսնեն, թե որքան լավ է այս ծրագիրը բեմադրել Դանիել Մարկովիչ Գլեյխենհաուզը, որքան լավ է այն ստացվում»,-ասել է Պետրոսյանը։

Նշենք, որ երեկ` փետրվարի 4-ին, Ադելիա Պետրոսյանը Կրասնոյարսկում նվաճել է պատանիների երկրի առաջնության արծաթե մեդալը:

«Ապագա թագուհի». Ադելիա Պետրոսյանին շատ քիչ էր մնացել ոսկի նվաճելու համար

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала