Ում մեղքով են զոհվել ու անհետ կորել Հադրութ մեկնած 72 զինծառայողները

© © Sputnik / Asatur YesayantsВоенные каски
Военные каски - Sputnik Արմենիա, 1920, 13.02.2021
Արցախի ՊԲ հրաձգային դիվիզիայի նախկին հրամանատարը չի դիմավորել Հադրութ մեկնած զինվորներին, ինչի հետևանքով նրանք ենթարկվել են հակառակորդի ռմբակոծության և դիվերսիոն գործողությունների։ Զինծառայողների մի մասը զոհվել են, մյուսների վերաբերյալ տեղեկություններ չկան:

ԵՐԵՎԱՆ, 13 փետրվարի – Sputnik. ՀՀ քննչական կոմիտեի զինվորական քննչական գլխավոր վարչությունում քննվող քրեական գործով մեղադրանք է առաջադրվել Արցախի պաշտպանության բանակի հրաձգային դիվիզիայի նախկին հրամանատարին։

Церемония награждения военнослужащих в одной из воинских частей (29 января 2021). Армения - Sputnik Արմենիա, 1920, 06.02.2021
Խծաբերդում զոհված 9 զինծառայող հետմահու պարգևատրվել են «Արիության համար» մեդալով

Ինչպես հայտնում են ՀՀ քննչական կոմիտեից, նա իշխանության անգործություն է ցուցաբերել, որի հետևանքով Արցախ մեկնած 72 զինծառայողների մի մասը զոհվել են, մյուսներն առ այսօր անհետ կորած են։
Ըստ քրեական գործի նյութերի` վերոհիշյալ հրամանատարն ի պաշտոնե պարտավոր է եղել 2020 թ–ի հոկտեմբերի 11–ին Հադրութի շրջանի 9-րդ կիլոմետր կոչվող տեղամասում դիմավորել և իր հրամանատարության ներքո ընդունել ՊԲ զորամասերից մեկի թվով 72 զինծառայողներին։

Բայց ոչ միայն անձամբ չի դիմավորել, այլև ընդհանրապես չի կազմակերպել նրանց դիմավորումը։ Դրա հետևանքով զինծառայողներն իրենց տեղափոխող մեքենաներով նույն օրը կեսօրին հայտնվել են Հադրութի շրջանի Այգեստան գյուղի վարչական տարածքում, որտեղ հակառակորդի ռմբակոծության և դիվերսիոն գործողությունների հետևանքով մի շարք զինծառայողներ զոհվել են, իսկ մյուսների վերաբերյալ մինչ օրս տեղեկություններ չկան:

ՊԲ հրաձգային դիվիզիայի նախկին հրամանատարին մեղադրանք է առաջադրվել ՀՀ քրեական օրենսգրքի 375-րդ հոդվածի (իշխանությունը չարաշահելը, իշխանազանցությունը կամ իշխանության անգործությունը) 4-րդ մասով նախատեսված հանցանք կատարելու համար:

Վերջինիս նկատմամբ որպես խափանման միջոց է կիրառվել չհեռանալու մասին ստորագրությունը:

Քրեական գործի նախաքննությունը շարունակվում է։

«Մա՞մ, էլի ջոկողություն ես անո՞ւմ...». Շուշիում նույն օրը զոհված եղբայրների պատմությունը

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала