Զգույշ, աթոռից չընկնեք. Սերժ Սարգսյանն ասաց` քանի ԱԹՍ պիտի գնվեր մինչև 2020 թվականը

© Sputnik / Asatur YesayantsРепетиция парада к 25-й годовщине независимости Армении
Репетиция парада к 25-й годовщине независимости Армении - Sputnik Արմենիա, 1920, 16.02.2021
Բաժանորդագրվեք
НовостиTelegram
Սերժ Սարգսյանի խոսքով` գործարքներն այդպես էլ չիրականացվեցին, քանի որ ՀՀ նոր իշխանությունը փոխել է այդ պլանը:

ԵՐԵՎԱՆ, 16 փետրվարի – Sputnik. ՀՀ երրորդ նախագահ Սերժ Սարգսյանը «Արմնյուզին» տված հարցազրույցում հերքել է հայտարարություններն այն մասին, որ մինչև 2018թ-ը հայկական բանակը մարտունակ չէր, սպառազինություն չուներ:

Встреча премьер-министра Армении Никола Пашиняна и президента Азербайджана Ильхама Алиева (15 февраля 2020). Мюнхен - Sputnik Արմենիա, 1920, 16.02.2021
«Ալիևը հոգեպես բավարարված չէ, նա գիտի, թե ում է հաղթել». Սերժ Սարգսյան

«Բա եթե մենք բանակ չունեին, ինչպե՞ս պարտադրեցինք Ադրբեջանին, որ հրադադար հաստատի: Բա եթե մենք ընդհանրապես բանակ չունեինք, ոչ մի բան չունեինք, ինչո՞ւ մինչև հիմա Ադրբեջանը բան չէր անում»,- ասաց Սարգսյանը՝ բանակի մասին վերոհիշյալ հայտարարությունները «տխմար թեզ» որակելով:

Իրականությունը, երրորդ նախագահի խոսքով, այն է, որ Հայաստանը երբեք Ադրբեջանից շատ ու Ադրբեջանից ավելի ժամանակակից զինատեսակներ չի ունեցել: Բայց դա, նրա դիտարկմամբ, Հայաստանին չի խանգարել 1992 և 2016թթ-ին հաղթել Ադրբեջանին:

«Որովհետև խնդրով զբաղվել են գիտակ մարդիկ և նրանք, ովքեր անմնացորդ նվիրված են եղել այդ գործին»,- ասաց նա:

Սարգսյանը նաև հայտնեց, որ 2016թ-ի ապրիլյան պատերազմից հետո իշխանությունը հետաքննություն է անցկացրել, ուսումնասիրել հակառակորդի կիրառած միջոցներն ու պլանավորել 1 մլրդ 300 մլն դոլարի սպառազինություն ձեռք բերել 2018-24թթ-ին պետական բյուջեի ու վարկային միջոցների հաշվին:

Այդ գումարից ավելի քան 500 մլն-ը, նրա խոսքով, նախատեսված է եղել ավիացիայի, ՀՕՊ և ԱԹՍ-ներ ձեռք բերելու համար:

«Մի թիվ ասեմ, զգույշ, աթոռից չընկնեք. մինչև 2020թ-ը նախատեսված էր ձեռք բերել 2500 ԱԹՍ-ներ՝ և՛ ներսից, և՛ դրսից: 2018-219 թթ-ի համար նախատեսված էր ձեռք բերել 1000-ից ավելի ԱԹՍ»,- ասաց նա։

Սարգսյանի խոսքով` այդ գործարքներն այդպես էլ չիրականացվեցին, քանի որ ՀՀ նոր իշխանությունը փոխեց այդ պլանը:

«Էս ի՞նչ շնորհք ա»․ Սերժ Սարգսյանը՝ իր և իր ընտանիքի դեմ հարուցված քրգործերի մասին

Լրահոս
0