Արմեն Սարգսյանը «Հայաստան» հիմնադրամի հոգաբարձուների խորհրդի արտահերթ նիստ կհրավիրի

© Photo / official site of the President of RAПрезидент Армении, председатель совета попечителей фонда "Айастан" Армен Саркисян посетил офис фонда (22 ноября 2018). Еревaн
Президент Армении, председатель совета попечителей фонда Айастан Армен Саркисян посетил офис фонда (22 ноября 2018). Еревaн - Sputnik Արմենիա, 1920, 17.02.2021
Բաժանորդագրվեք
НовостиTelegram
ՀՀ նախագահը Հայկակ Արշամյանի հետ հանդիպման ժամանակ կարևորել է աշխարհասփյուռ հայության հանգանակած և «Հայաստան» համահայկական հիմնադրամին նվիրաբերած միջոցների արդյունավետ, պատասխանատու և նպատակային ծախսումը։

ԵՐԵՎԱՆ, 17 փետրվարի – Sputnik. ՀՀ նախագահ Արմեն Սարգսյանը նախատեսում է առաջիկայում «Հայաստան» համահայկական հիմնադրամի հոգաբարձուների խորհրդի արտահերթ նիստ հրավիրել։ Տեղեկությունը հայտնում է ՀՀ նախագահի մամուլի ծառայությունը։

«Հանրապետության նախագահ, «Հայաստան» համահայկական հիմնադրամի հոգաբարձուների խորհրդի նախագահ Արմեն Սարգսյանն աշխատանքային հանդիպում է ունեցել հիմնադրամի գործադիր տնօրեն Հայկակ Արշամյանի հետ: Հանդիպմանը քննարկվել են հիմնադրամի կողմից իրականացվող և առաջիկա ծրագրերը, այդ թվում՝ Արցախում հումանիտար օժանդակության նախագծերը»,– նշված է հաղորդագրության մեջ:

Սարգսյանը կարևորել է աշխարհասփյուռ հայության հանգանակած և «Հայաստան» համահայկական հիմնադրամին նվիրաբերած միջոցների արդյունավետ, պատասխանատու և նպատակային ծախսումը, ծրագրերի իրականացման ընթացակարգերի և ժամկետների խստագույնս պահպանումը, հիմնադրամի գործունեության թափանցիկությունն ու հաշվետվողականությունը, կառույցի հանդեպ վստահությունը:

Ремонтные работы по восстановлению гражданских объектов после войны (9 января 3032). Карабах - Sputnik Արմենիա, 1920, 09.01.2021
«Հայաստան» հիմնադրամի միջոցներով Արցախում աշխատանքներ են կատարվում. մանրամասներ

Նախագահ Սարգսյանը նշել է, որ առաջիկայում նախատեսում է հրավիրել հոգաբարձուների խորհրդի արտահերթ նիստ՝ հիմնադրամի կառավարման և գործունեության հետ կապված խնդիրները քննարկելու և լուծումներ գտնելու նպատակով:

Հիշեցնենք` հունվարի 5-ին հայտնի դարձավ, որ Լոնդոնում գտնվող Սարգսյանի մոտ կորոնավիրուս է հաստատվել, որն ընթանում է բարդություններով ու հիվանդությանը հատուկ ախտանշաններով։ Նախագահը մեկուսացել էր ու բուժում էր ստանում տանը` բժիշկների հսկողության տակ, միևնույն ժամանակ հեռավար աշխատելով։ Հունվարի 13-ին հայտնի դարձավ, որ նա տեղափոխվել է հիվանդանոց։ Կորոնավիրուսով վարակվել էր նաև նախագահի կինը՝ Նունե Սարգսյանը։ ՀՀ նախագահի մամուլի ծառայությունը փետրվարի 15-ին հայտնեց, որ Սարգսյանը Երևան է վերադարձել անցած շաբաթվա վերջին և բուժումը շարունակում է Երևանում։ 

Լրահոս
0