ԵՐԵՎԱՆ, 19 փետրվարի – Sputnik. Վանաձորի ևս 1 բնակիչ հոսպիտալացվել է Վանաձորի ինֆեկցիոն հիվանդանոց։ Տեղեկությունը հայտնում է ՀՀ առողջապահության նախարարությունը` նշելով, որ նախնական ախտորոշումն աղիքային վարակն է։
«Նա փետրվարի 13-ին նույնպես մասնակցել է տարեդարձի խնջույքին, որից հետո 10-ը բնակիչ հոսպիտալացվել էին ընդհանուր թուլություն, փսխում, լուծ, մինչև 38 աստիճան ջերմության բարձրացում ախտանշաններով»,– նշված է հաղորդագրության մեջ։
Այժմ Վանաձորի ինֆեկցիոն հիվանդանոցում բուժումը շարունակում է 11 պացիենտ, նրանց վիճակը գնահատվում է բավարար:
Լաբորատոր հետազոտությունների արդյունքում 4-ի մոտ ոսկեգույն ստաֆիլակոկ հարուցիչ է հայտնաբերվել:
Հիշեցնենք` ՀՀ առողջապահության նախարարության հիվանդությունների վերահսկման և կանխարգելման ազգային կենտրոննը փետրվարի 15-ին հայտնել էր, որ փետրվարի 13-ին 14 հոգի մասնակցել են տարեդարձի խնջույքի, որի ժամանակ օգտագործել են տնային պայմաններում պատրաստված կրեմային հրուշակեղեն և եփած հավով ուտեստ: Փետրվարի 15-ին՝ ժամը 20.30-ի դրությամբ, ընդհանուր թուլություն, փսխում, լուծ, մինչև 38 աստիճան ջերմության բարձրացում ախտանշաններով հոսպիտալացվել են խնջույքի մասնակից 10-ը հոգի, որից 5-ը՝ մինչև 18 տարեկան, 5-ը՝ 18-ից բարձր։