Կցորդիչով հսկայական մեքենան կողաշրջվել է Երևան-Սևան-Իջևան ավտոճանապարհին. տեսանյութ

Բաժանորդագրվեք
Տեսանյութում երևում է ինչպես է կողաշրջված մեքենան փակել երթևեկության համար սահմանված ուղիներից մեկն ամբողջությամբ։

ՀՀ ՏԿԵՆ «Ճանապարհային դեպարտամենտը» տեղեկացնում է, որ Մ-4, Երևան-Սևան-Իջևան ավտոճանապարհի 49-րդ կիլոմետրի վրա (Հրազդան քաղաքի մոտ) տեղի է ունեցել կցորդիչով տրանսպորտային միջոցի վթար։ Դեպարտամենտը տեղեկությունը հաղորդել է ֆեյսբուքյան իր էջում և նաև տեսանյութ տեղադրել։

Снежный апокалипсис 2021 - Sputnik Արմենիա, 1920, 21.02.2021
«Առատաձեռն» ձմեռ. Ասիան և Եվրոպան պատվել են ձնով, բայց ամենավատն ԱՄՆ–ի վիճակն է. տեսանյութ

Վթարի հետևանքով որոշակի խոչընդոտներ են առաջացել երթևեկության համար։ Տեսանյութում երևում է` ինչպես է հսկայական մեքենան կողաշրջվել` փակելով երթևեկության համար սահմանված ուղիներից մեկն ամբողջությամբ։ Դեպարտամենտը հորդորում է վարորդներին պահպանել ճանապարհային երթևեկության անվտանգության կանոնները։

Նշենք, որ արտակարգ իրավիճակների նախարարությունն էլ իր հերթին հայտնում է, որ եղանակի պատճառով ՀՀ տարածքում կան փակ և դժվարանցանելի ավտոճանապարհներ։ «Չայնի ոլորոններում» բուք է գրանցվել։

Փակ են Բերդ-Ճամբարակ ավտոճանապարհը, Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները: Վարդենյաց լեռնանցքը փակ է կցորդիչով բեռնատարների համար, դժվարանցանելի՝ այլ տրանսպորտային միջոցների համար։

Գեղարքունիքի մարզի Մարտունի, Լոռու մարզի Թումանյան քաղաքներում տեղում է ձյուն։
Շիրակի մարզի ավտոճանապարհներին, Սյունիքի մարզի Սիսիան-Զանգեր հատվածում տեղ-տեղ մերկասառույց է։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала