Ոստիկանությունը մեկնաբանել է Երևանում ցուցարարի վնասվածք ստանալը

© Sputnik / Asatur YesayantsПолиция перекрыла проход к правительственному зданию во время акции протеста оппозиции (23 февраля 2021). Еревaн
Полиция перекрыла проход к правительственному зданию во время акции протеста оппозиции (23 февраля 2021). Еревaн - Sputnik Արմենիա, 1920, 23.02.2021
Միջադեպի կապակցությամբ ոստիկանության պետի կարգադրությամբ նշանակվել է ծառայողական քննություն։

ԵՐԵՎԱՆ, 23 փետրվարի – Sputnik. ՀՀ ոստիկանությունը պարզաբանում է տարածել Երևանում ընդդիմության բողոքի ակցիայի մասնակիցներից մեկի վնասվածք ստանալու կապակցությամբ։

Նշենք, որ զանգվածային լրատվամիջոցներում և սոցցանցերում տեղեկատվություն էր տարածվել, որ ընդդիմության կազմակերպած ակցիայի ժամանակ ոստիկանների գործողությունների հետևանքով կոտրվել է մասնակիցներից մեկի ոտքը։

Премьер-министр Никол Пашинян выходит из здания Правительства - Sputnik Արմենիա, 1920, 23.02.2021
«Դավաճան, հեռացի՛ր» վանկարկման ներքո Փաշինյանը նստեց մեքենա. սկսեցին նորից բերման ենթարկել

«Հայտնում ենք, որ հիշյալ քաղաքացին ՀՀ վարչական իրավախախտումների վերաբերյալ օրենսգրքի 182-րդ հոդվածով նախատեսված արարք կատարելու համար բերվել է ոստիկանություն, որտեղ նրա ինքնազգացողությունը վատացել է։ Շտապօգնության բրիգադը նրան տեղափոխել է հիվանդանոց, որտեղ նրա մոտ ախտորոշվել է ձախ սրունքի սալջարդ»,–ասված է հաղորդագրության մեջ։

Տեղեկացվում է, որ միջադեպի կապակցությամբ ոստիկանության պետի կարգադրությամբ նշանակվել է ծառայողական քննություն։

Նշենք, որ սոցցանցերում բողոքի ակցիայի մասնակից օգտատերերը հայտնել էին, որ վնասվածք ստացած ցուցարարը սփյուռքահայ Ռազմիկ Արապեանն է, որը վերջերս է հայրենադարձվել և հաստատվել հայրենիքում։

«Նիկոլ, ինչի՞ց ես վախենում». Փաշինյանն անխոչընդոտ մտավ կառավարական շենք

Ինչպես արդեն տեղեկացրել էինք, կառավարության 3-րդ շենքի մոտ ընթացող բողոքի ակցիայի ժամանակ ոստիկանները փորձել են բերման ենթարկել նաև ՀՅԴ ԳՄ անդամ Իշխան Սաղաթելյանին։ Քաշքշուկի արդյունքում Սաղաթելյանի բերանից սկսել է արյուն գալ։ Ի վերջո, ոստիկանները նրան հանգիստ են թողել։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала