«Եփած թեմա է, որը վտանգներ պարունակում է». Անդրանիկ Քոչարյանը` ԳՇ–ի հայտարարության մասին

© Sputnik / Andranik GhazaryanАндраник Кочарян (19 декабря 2020). Еревaн
Андраник Кочарян (19 декабря 2020). Еревaн - Sputnik Արմենիա, 1920, 25.02.2021
Բաժանորդագրվեք
НовостиTelegram
«Իմ քայլի» պատգամավորը կարծում է, որ ով գնում է բախումների, մեր պետականության գերեզմանաքարն է դնում։

ԵՐԵՎԱՆ, 25 փետրվարի - Sputnik. Գլխավոր շտաբի հայտարարությունը, որով պահանջում են վարչապետ Նիկոլ Փաշինյանի հրաժարականը, ըստ ԱԺ «Իմ քայլը» խմբակցության պատգամավոր Անդրանիկ Քոչարյանի`«եփած թեմա է», որը վտանգներ պարունակում է։ Քոչարյանն ԱԺ–ում լրագրողների հետ զրույցում նման կարծիք հայտնեց։

Здание Министерства обороны Армении - Sputnik Արմենիա, 1920, 25.02.2021
Բանակի ղեկավարությունը վստահեցնում է` հայտարարությունը չի՛ ուղղորդվել որևէ մեկի կողմից

«Ծանոթացա ԳՇ պետի կողմից ներկայացված հայտարարությանը, որով նրանք վարչապետի հրաժարականի իրենց պահանջը կապում են Տիրան Խաչատրյանի հեռացման հետ։ Աշխարհում ոչ մի երկրում նման բան չեք տեսնի, որ զինվորականին գործից հանում են, և բանակը քաղաքական հայտարարություն է անում։ Չեմ կարծում՝ «Իսկանդերի» հայտարարության հետ էլ կապ ունի, սա կապ ունի բանակում սպասվող ռեֆորմների հետ»,–ասաց Քոչարյանը։

Նրա խոսքով` երկրում ներքին բախում չի կարող լինել. ով գնում է բախումների, մեր պետականության գերեզմանաքարն է դնում։

Հարցին, թե ինչո՞ւ է Նիկոլ Փաշինյանը մարդկանց հրավիրում` Քոչարյանը պատասխանեց, որ վարչապետն ուզում է խոսել ժողովրդի հետ։ Քոչարյանն ասում է` ինքն էլ գնալու է Հանրապետության հրապարակ, որովհետև քաղաքացիների հետ պետք է խոսել։

ՀՀ ԶՈւ Գլխավոր շտաբն այսօր` փետրվարի 25-ին, պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության Հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։

Լրահոս
0