Фон для радио  - Sputnik Արմենիա, 1920
ՌԱԴԻՈ

Եթե բախումներ լինեն և արյուն թափվի՝ Փաշինյանին այլևս ոչ ոք չի ների. Բոզոյան

© Sputnik / Asatur YesayantsЕрванд Бозоян
Ерванд Бозоян - Sputnik Արմենիա, 1920, 25.02.2021
Բաժանորդագրվեք
НовостиTelegram
Քաղաքագետ Երվանդ Բոզոյանը Sputnik Արմենիայի եթերում մեկնաբանել է ՀՀ ԳՇ տարածած հայտարարությունն ու Նիկոլ Փաշինյանի` համակիրներին հրապարակ հրավիրելու կոչը։
Եթե բախումներ լինեն և արյուն թափվի, Փաշինյանին այլևս ոչ ոք չի ների. Բոզոյան

Լավ է ուշ, քան երբեք. քաղաքագետ Երվանդ Բոզոյանն այսպես է մեկնաբանում ՀՀ ԶՈՒ ԳՇ` Նիկոլ Փաշինյանի հրաժարականի մասին տարածած հայտարարությունը։ 

«ԳՇ հայտարարությունը տրամաբանական է, բայց մի քիչ ուշացած»,- Sputnik Արմենիայի հետ զրույցում ասաց նա։

Роберт Кочарян - Sputnik Արմենիա, 1920, 25.02.2021
Կանգնել Զինված ուժերի, Հայոց բանակի կողքին. Ռոբերտ Քոչարյանը կոչ է հղել

Ինչ վերաբերում է Փաշինյանի հայտարարությանը, ապա, ըստ քաղաքագետի, դա արդեն գնացող վարչապետի հայտարարություն է։ Նրա խոսքով`գուցե Փաշինյանը փորձի իր կողմնակիցների միջոցով պահպանել ֆիզիկական անվտանգությունը, նույնիսկ փորձի քաղաքացիական պատերազմ հրահրել, բայց դա նրան չի հաջողվի, քանի որ բոլորն էլ հասկանում են` պարտված վարչապետն իր քայլերով վնաս է հասցնում պետությանը։ 

«Եթե ինքը փորձի զինված խմբերով պաշտպանվել, փորձել հրահրել քաղաքացիական պատերազմ, շատ վատ հետք կարող է թողնել, նաև իր ֆիզիկական և նաև կողմնակիցների ֆիզիկական անվտանգությունը երաշխիք չի ունենա, որովհետև, եթե բախումներ լինեն և արյուն թափվի, ապա նրան և նրա կողմնակիցներին այլևս ոչ ոք չի ների»,- նշեց Բոզոյանը։

Քաղաքագետի խոսքով` նույնիսկ եթե իշխանությունը զենք կիրառի, ապա բումերանգի էֆեկտով այն դեպի իրենց կուղղվի։

ՀՀ ԶՈւ Գլխավոր շտաբն այսօր` փետրվարի 25-ին, պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության Հրապարակում՝ «հեղափոխությունը պաշտպանելու» համար։

Իրավիճակի հետագա սրումը կործանարար է․ Մայր աթոռը հայտարարություն է տարածել

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։

Լրահոս
0