ԵՐԵՎԱՆ, 27 փետրվարի - Sputnik. Հայկական կողմը հավատարիմ է Ռուսաստանի հետ հարաբերությունների ամրապնդմանն ուղղված շարունակական աշխատանքին։ ՌԻԱ Նովոստիին տված հարցազրույցում ասել է ՀՀ արտգործնախարար Արա Այվազյանը:
«Հայ-ռուսական միջպետական հարաբերությունների դաշնակցային բնույթն արդեն կանխորոշում է մշտական, շարունակական աշխատանքը` դրանց հետագա ամրապնդման և ժամանակակից իրողություններին հարմարվելու տեսանկյունից՝ պայմանավորված ինչպես ժամանակով, այնպես էլ տարածաշրջանային և գլոբալ մակարդակներում մեր ունեցած զարգացումներով: Մենք մտադիր ենք այս աշխատանքն իրականացնել համակարգված կերպով ՝ ելնելով մեր երկրների ժողովուրդների հիմնարար շահերն ապահովելու անհրաժեշտությունից»,- ասել է նախարարը:
Նրա խոսքով ՝ երկու երկրների ժողովուրդների բարեկամությունը միշտ եղել է և կմնա ամուր հիմք այս աշխատանքի համար:
«Մենք մտադիր ենք այս աշխատանքն իրականացնել մեր միջպետական փոխգործակցության մեխանիզմների շրջանակներում: Այն է` տնտեսական համագործակցության միջկառավարական հանձնաժողովի և միջխորհրդարանական երկխոսության մեծ հանձնաժողովի ու համապատասխան մասնագիտացված կոմիտեների շրջանակներում, այդ թվում` ռազմատեխնիկական հանձնաժողովի շրջանակներում։ Եվ, բնականաբար, այս ամենը խթանվելու է մեր երկրների արտաքին գործերի նախարարությունների ակտիվ համակարգող դերով», - ասել է Այվազյանը։
ՌԴ–ն ակնկալում է Հայաստանում իրավիճակի խաղաղ կարգավորում. Լավրովը խոսել է Այվազյանի հետ
ԱԳ նախարարը հատկապես ընդգծել է ինտենսիվ երկխոսության կարևորությունը` Հայաստանի և Ռուսաստանի դիվանագիտական ծառայությունների մակարդակում։
Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:
Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են
