«Էդ ինտերնետի դեմ պայքարի, փակի դրանք». գավառցիները դիմեցին Փաշինյանին

ՀՀ վարչապետը տեսանյութ է հրապարակել` ներկայացնելով, թե ինչպես են իրեն զորակցում գավառցիները։

ՀՀ վարչապետ Նիկոլ Փաշինյանը Գեղարքունիքի մարզպետարանում կայացած խորհրդակցությունից հետո շրջել է Գավառում: Նա Facebook–ի իր էջում տեսանյութ է հրապարակել, որում երևում է, թե ինչպես են քաղաքացիները մոտենում վարչապետին ու զորակցություն հայտնում նրան։

«Էդ ինտերնետի, ցանցերի դեմ ինչքան կարող ես, պայքարի, փակի դրանք»,–ասաց գավառցիներից մեկը։ Ի պատասխան Փաշինյանն ասաց, թե արդեն պետք է մարդիկ կարողանան սուտը ճշտից տարբերել։

«Փակելով ի՞նչ հարց ենք լուծելու։ Ամեն ասածի պետք չի հավատալ։ Մենք պրոբլեմներ ունենք, բայց լրատվական փոթորիկ են անում մարդկանց հուսահատեցնելու համար»,–ասաց վարչապետը։

Փաշինյանն օգտվում է ընդդիմադիրների անվճռականությունից և մասնատվածությունից. Արեշև

«Լավ ա, Փաշինյան ջան, լավ ա։ Ապրես դու»,–ի պատասխան ասացին հավաքվածներից ոմանք։ Մեկ ուրիշն էլ ավելացրեց. «Դուխով, սաղ Քյավառը քո հետ ա»։

Փաշինյանն ասաց, թե այնպես չէ, որ ամեն ինչ լավ է։ Նրա խոսքով` ամենացավոտ խնդիրը գերիների ու անհետ կորածների խնդիրն է, և այդ հարցերն օր առաջ պետք է լուծեն։

«Ցավոք, իրադարձություններ կան, որ խանգարում են այդ խնդիրների լուծմանը, բայց պետք է աշխատենք և լուծենք դա»,–ասաց վարչապետը։

Ավելի վաղ հայտնել էինք, որ Փաշինյանն այսօր այցելել է Գեղարքունիք, մարզպետարանում կայացած խորհրդակցության ժամանակ անդրադարձել անվտանգության միջավայրին ու առկա խնդիրների լուծմանը։

Իմքայլականներն անհանգիստ են. ի՞նչ է նրանց ասել վարչապետը

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала