Ռոբերտ Քոչարյանի և մյուսների գործով նիստը հետաձգվեց. Սեյրան Օհանյանը հիվանդանոցում է

© Sputnik / Aram NersesyanСейран Оганян перед началом судебного заседания по делу "1 марта" (19 января 2021). Еревaн
Сейран Оганян перед началом судебного заседания по делу 1 марта (19 января 2021). Еревaн - Sputnik Արմենիա, 1920, 09.03.2021
Բաժանորդագրվեք
Yandex newsTelegram
Սեյրան Օհանյանը պաշտպանի հետ հեռախոսազրույցում հայտնեց, որ չգիտի` երբ է դուրս գրվելու հիվանդանոցից։

ԵՐԵՎԱՆ, 9 մարտի - Sputnik. ՀՀ երկրորդ նախագահ Ռոբերտ Քոչարյանի և մյուսների գերծով այսօրվա դատական նիստն ընդմիջվեց. պաշտպանության նախկին նախարար, գործով մեղադրյալ Սեյրան Օհանյանը ներկա չէր նիստին։

Նշենք, որ նիստն անցկացվում էր Երևանի ընդհանուր իրավասության դատարանում՝ դատավոր Աննա Դանիբեկյանի նախագահությամբ։ Քոչարյանը ներկա էր նիստին։

Օհանյանի պաշտպան Կարեն Մեժլումյանը հայտնեց` Սեյրան Օհանյանի առողջական վիճակը վատացել է և նրան դեռևս մարտի 7-ին տեղափոխել են Կենտրոնական զինվորական հոսպիտալ։

«Այժմ Օհանյանը գտնվում է հոսպիտալում։ Չեմ կարծում` նա երկար կմնա հիվանդանոցում։ Այսօր հերթական ստուգումները կանցնի»,–ասաց Մեժլումյանը։

Դատարանը հետաքրքրվեց, թե որքա՞ն ժամանակ է Օհանյանը մնալու հիվանդանոցում։ Մեժլումյանն այս հարցով հեռախոսազրույց ունեցավ Օհանյանի հետ, որն էլ ասաց, որ չի կարող ասել, թե երբ է դուրս գրվելու։

Сторонники кандидата в президенты Левона Тер-Петросяна на площади А.Мясникяна (1 марта 2008). Еревaн - Sputnik Արմենիա, 1920, 04.03.2021
Մարտի 1-ի դեպքերը ներկայիս իրավիճակի համեմատ «մանկական խաղեր» են. Քոչարյան

Դատավորը հավելեց` քանի որ Սեյրան Օհանյանի բացակայության դեպքում դատական նիստ անցկացվել չի կարող, ուստի այն հետաձգվում է։ Հաջորդ նիստը կկայանա մարտի 16-ին` ժամը 13։00-ին։

Հավելենք, որ նախորդ երկու նիստերը նույնպես հետաձգվել էին։ Այսպես, փետրվարի 23-ին նախատեսված նախորդ նիստը նույնպես հետաձգվել էր, քանի որ ՀՀ նախկին փոխվարչապետ Արմեն Գևորգյանը և նրա պաշտպանը բացակայում էին նիստից։ Իսկ մարտի 2-ին նախատեսված նիստը հետաձգվել էր, քանի որ Արմեն Գևորգյանը կրկին ներկա չէր նիստին։ Նրա պաշտպան Էրիկ Ալեքսանյանը դատարանին հայտնել էր, որ պաշտպանյալի մոտ սուր շնչառական հիվանդություն է ախտորոշվել։

Այս նիստին Գևորգյանը ներկա էր։

Բանակը պետք է մերժի նրանց, ովքեր չեն ծառայել, բայց կառավարության կազմում են. Օհանյան

Հիշեցնենք` 2008-ի ՀՀ նախագահական ընտրություններից հետո` փետրվարի 24-ին, ԿԸՀ-ն հայտարարեց, որ ընտրություններում հաղթել է Սերժ Սարգսյանը։ Օրեր շարունակ բողոքի ակցիայի մասնակիցները, որոնք նախագահի թեկնածու, ՀՀ 1-ին նախագահ Լևոն Տեր-Պետրոսյանի կողմնակիցներն էին, պահանջում էին վերահաշվարկել քվեները։

Մարտի 1-ի երեկոյան ԶՈւ և ոստիկանության ստորաբաժանումները Երևանի կենտրոնական փողոցներում զենքի, պայթուցիկ սարքերի և հատուկ միջոցների օգնությամբ ցուցարարներին ցրելու համար հատուկ գործողություններ իրականացրին։ Հարյուրավոր մարդիկ վնասվածքներ ստացան, մահացան 8 քաղաքացիական անձինք և 2 ոստիկան։

10 տարի չբացահայտված մնացող քրեական գործը «թավշյա հեղափոխությունից» հետո ՀՔԾ-ում նոր թափ է ստացել։ Գործի շրջանակում մեղադրանք է առաջադրվել ՀՀ 2-րդ նախագահ Ռոբերտ Քոչարյանին, ՀԱՊԿ գլխավոր քարտուղար Յուրի Խաչատուրովին:

Գործով անցնում են նաև 2008-ին Զինված ուժերի գլխավոր շտաբի պետ Սեյրան Օհանյանը, 2008-ին Հայաստանի նախագահի աշխատակազմի ղեկավար, Անվտանգության խորհրդի քարտուղար Արմեն Գևորգյանը:

Արայիկ Հարությունյանից եղել է հրաման` Սեյրան Օհանյանը բունկեր չմտնի. Ռուզաննա Խաչատրյան

Լրահոս
0