Թուրքին սպանած հային ազատ արձակելու որոշումը դուր չի եկել ԱՄՆ Պետդեպին

© AP Photo / Manuel Balce CenetaГоссекретарь Энтони Блинкен выступает во время виртуальной встречи в Государственном департаменте (26 февраля 2021). Вашингтон
Госсекретарь Энтони Блинкен выступает во время виртуальной встречи в Государственном департаменте (26 февраля 2021). Вашингтон - Sputnik Արմենիա, 1920, 12.03.2021
Բաժանորդագրվեք
НовостиTelegram
«Հրեշտակների քաղաքի» գերագույն դատարանը փետրվարի վերջին չեղյալ է հայտարարել Համբիկ Սասունյանին ազատ արձակելու արգելքը, որը սահմանել էր Կալիֆոռնիայի նահանգապետը։ Վերջինս որոշել է չբողոքարկել:

ԵՐԵՎԱՆ, 12 մարտի – Sputnik. ԱՄՆ պետդեպարտամենտը հիասթափված է Կալիֆոռնիայում թուրք հյուպատոսին սպանած Համբիկ Սասունյանի պայմանական վաղաժամկետ ազատ արձակելու որոշումից, որը կայացրել է Լոս Անջելեսի դատարանը։ Պետդեպն այդ առնչությամբ հայտարարություն է տարածել։

Коридор тюрьмы с камерами - Sputnik Արմենիա, 1920, 07.02.2020
Համբիկ Սասունյանի ճակատագիրը մեկ մարդու ձեռքում է, կամ ինչով կարող է հայրենիքն օգնել նրան

Ավելի վաղ Կալիֆոռնիայի նահանգապետ Գևին Նյուսոմի գրասենյակը Հայ ազգային կոմիտեին հայտնել էր, որ այլևս չի բողոքարկելու դատարանի որոշումը։

«Պետդեպարտամենտը խորապես հիասթափված է Համբիկ Սասունյանին պայմանական վաղաժամկետ ազատելու որոշման կապակցությամբ»,-ասել է ԱՄՆ պետքարտուղար Էնթոնի Բլինկենը և հիշեցրել, որ Սասունյանը մեղավոր է ճանաչվել 1982 թվականին Լոս Անջելեսում Թուրքիայի գլխավոր հյուպատոս Քեմալ Արիկանին սպանելու համար։

Բլինկենի խոսքով՝ դիվանագետի վրա հարձակումը ոչ միայն ծանր հանցագործություն է կոնկրետ մարդու դեմ, այլև հարձակում հենց դիվանագիտության վրա։

Պետքարտուղարը նշել է` ԱՄՆ–ն հավատարիմ է մնում այն դիրքորոշմանը, որ նրանք, ովքեր սպանում են դիվանագետներին, պետք է ստանան առավելագույն պատիժ և այդ պատիժը կրեն առանց վաղաժամկետ ազատման իրավունքի։

«Մենք ևս մեկ անգամ մեր խորին ցավակցությունն ենք հայտնում պարոն Արիկանի ընտանիքին և Թուրքիայի ԱԳՆ մեր գործընկերներին նրանց կորստի կապակցությամբ», - ասված է հաղորդագրության մեջ:

Հիշեցնենք` Համբիկ Սասունյանը 1915 թվականին Օսմանյան կայսրությունում իրագործված Հայոց ցեղասպանության համար Թուրքիայից վրեժ լուծելու նպատակով այդպես էլ չհայտնաբերված հանցակցի հետ գնդակահարել էր Արիկանին ու դատապարտվել ցմահ ազատազրկման։

Սասունյանին ազատ արձակելու որոշումը 2016 թվականին մերժել էր այն ժամանակվա նահանգապետ Ջերի Բրաունը։ Նա վկայակոչել էր ԱՄՆ պետքարտուղար Ռեքս Թիլերսոնի և գլխավոր դատախազ Ջեֆ Սեյշնի նամակները։

Ակնկալվում է, որ Համբիկ Սասունյանին ազատ արձակելու գործընթացը կսկսվի առաջիկա մի քանի օրերին։

Թուրքերի դրած «տատուն», կամ ինչու հայ կինը չէր համբուրում անգամ իր թոռներին

Լրահոս
0