Դանակը հասել է ոսկորին. ԲՀԿ-ն առաջարկում է Հայաստանում վերացնել ռազմական դրությունը

© Sputnik / Asatur YesayantsДепутат от фракции "Процветающая Армения" Арман Абовян на заседании парламента Армении (15 января 2019). Еревaн
Депутат от фракции Процветающая Армения Арман Абовян на заседании парламента Армении (15 января 2019). Еревaн - Sputnik Արմենիա, 1920, 15.03.2021
Բաժանորդագրվեք
ԱԺ պաշտպանության և անվտանգության հարցերի հանձնաժողովի նիստում քննարկման դրվեց երկրում ռազմական դրությունը վերացնելու մասին նախագիծը։

ԵՐԵՎԱՆ, 15 մարտի — Sputnik. ԱԺ «Բարգավաճ Հայաստան» խմբակցությունն առաջարկում է Հայաստանում վերացնել ռազմական դրությունը։

Պատգամավոր Արման Աբովյանն ասաց, որ հարցը պետք է քննարկվեր ԱԺ նիստի ժամանակ, սակայն իշխանական պատգամավորների բացակայության պատճառով այն տեղափոխվել է ԱԺ պաշտպանության և անվտանգության հարցերի հանձնաժողովի նիստ։

Пресс-конференция замначальника Комитета госдоходов Армении Рустама Бадасяна (11 марта 2019). Еревaн - Sputnik Արմենիա, 1920, 10.02.2021
Որևէ քաղաքական հիմք չկա. ինչու Հայաստանում չի վերացվում ռազմական դրությունը

«Ռազմական դրությունն ամբողջ ծավալով ոչ միայն չի համապատասխանում իրավիճակին, այլև մեծ սպառնալիք է ներկայացնում բոլոր քաղաքական գործընթացների համար։ Մենք տեսնում ենք` քաղաքական գործընթացները որքան ծանր են ընթանում մեր երկրում», - ասաց Աբովյանը նիստի ժամանակ։

ԱԺ պաշտպանության և անվտանգության հարցերի հանձնաժողովի նիստի նախագահ Անդրանիկ Քոչարյանը առարկեց Աբովյանին` ասելով, որ ռազմական դրությունը քաղաքական բնույթ չունի։

«Դեմիրճյան փողոցը փակել են, Բաղրամյանը փակել են, ինչքան ուզում են միտինգ են անում», – մանրամասնեց Քոչարյանը։

Աբովյանն էլ ասաց, որ խնդիրը նաև հոգեբանական է։

«Ռազմական դրությունը թույլ չի տալիս վարչապետի հրաժարականի գործընթացն իրականացնել, արտահերթ ընտրություններ անցկացնել։ Դանակը հասել է ոսկորին, ամեն ինչ լարված է, իրավիճակը ռադիկալանում է», – ասաց Աբովյանը։

Իմքայլական Հայկ Կոնջորյանը առարկեց` ասելով, որ ռազմական դրությունը չի խանգարում դրսում հավաքված մարդկանց ատելության խոսք հնչեցնել և ռադիկալ լինել։

Ինչո՞ւ է Հայաստանում պահպանվում ռազմական դրությունը. Նաիրա Զոհրաբյան

Նշենք, որ ռազմական դրությունը ներդրվել է 2020-ի սեպտեմբերի 27-ին` Արցախյան պատերազմի հենց առաջին օրը: Փետրվարի 26-ին խորհրդարանը պետք է քննարկեր այս հարցով Ազգային ժողովի արտահերթ նիստ անցկացնելու ընդդիմադիր պատգամավորների առաջարկը, բայց նիստը տեղի չի ունեցել։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала