ԵԱՀԿ գործող նախագահն Ադրբեջանից կժամանի ՀՀ. Այվազյանի հետ հանդիպումը կկայանա մարտի 16-ին

© AP Photo / Michael SohnМинистр иностранных дел Швеции Анн Линде на совместной пресс-конференции с главой МИД Германии (25 февраля 2020). Берлин
Министр иностранных дел Швеции Анн Линде на совместной пресс-конференции с главой МИД Германии (25 февраля 2020). Берлин - Sputnik Արմենիա, 1920, 15.03.2021
Բաժանորդագրվեք
НовостиTelegram
Անն Լինդենը հիմա Ադրբեջանում է, որտեղ հանդիպումներ են նախատեսված երկրի բարձրաստիճան պաշտոնյաների հետ։

ԵՐԵՎԱՆ, 15 մարտի – Sputnik. Այսօր մարտի 15-ին Հայաստանի Հանրապետություն կժամանի ԵԱՀԿ գործող նախագահ, Շվեդիայի արտգործնախարար Անն Լինդեն: Տեղեկությունը հայտնում է ՀՀ արտգործնախարարության մամուլի ծառայությունը։

«Մարտի 16-ին ՀՀ ԱԳՆ-ում կկայանա Հայաստանի ԱԳ նախարարի և ԵԱՀԿ գործող նախագահի, Շվեդիայի ԱԳ նախարարի հանդիպումը»,– նշված է հաղորդագրության մեջ։

Արա Այվազյանի և Անն Լինդեի հանդիպումը տեղի կունենա մարտի 16-ին ժ. 10։30-ին, որին 11:35-ին կհետևի ՀՀ ԱԳ նախարարի և ԵԱՀԿ գործող նախագահի հայտարարությունը ԶԼՄ ներկայացուցիչների համար:

Встреча глав МИД РФ и Швеции С. Лаврова и А. Линде - Sputnik Արմենիա, 1920, 25.02.2021
Իրավիճակը պետք է հանդարտվի առանց բռնության. ԵԱՀԿ նախագահը` հայաստանյան դեպքերի մասին

Հիշեցնենք՝ մարտի 10-ին ԵԱՀԿ գործող նախագահը Twitter-ի իր էջում գրառում էր կատարելով՝ տեղեկացնելով, որ առաջիկայում կայցելի Հայաստան և Ադրբեջան: Շվեդիայի արտգործնախարարը ԵԱՀԿ-ում նախագահությունը ստանձնել է 2020-ի տարեվերջին։

Լինդեն, սակայն, այս տարվա փետրվարին այցելել էր տարածաշրջան. նա եղել էր Վրաստանում, որից հետո այցելել էր Մոլդովա։

ԵԱՀԿ գործող նախագահի կարգավիճակում նա դեռ չի եղել Հայաստանում և Ադրբեջանում։

Ավելի վաղ ՌԴ արտաքին գործերի նախարար Սերգեյ Լավրովը փետրվարի 2-ին Մոսկվայում հանդիպել էր Անն Լինդեի հետ: Հանդիպմանը քննարկվել էր նաև Լեռնային Ղարաբաղի հակամարտության կարգավորման հարցը։

Ավելի վաղ հայտնել էինք, որ Լինդեն մարտի 15-ին մեկնելու է Ադրբեջան։

Լրահոս
0