Фон для радио  - Sputnik Արմենիա, 1920
ՌԱԴԻՈ

Եթե ՄԻՊ–ը լիներ իշխանությանը հնազանդ, ապա նրա ֆինանսավորումը չէր կրճատվի. Իշխանյան

© Sputnik / Aram NersesyanПравозащитник Аветик Ишханян в гостях у радио Sputnik
Правозащитник Аветик Ишханян в гостях у радио Sputnik - Sputnik Արմենիա, 1920, 15.03.2021
Բաժանորդագրվեք
НовостиTelegram
Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանը Sputnik Արմենիայի հետ զրույցում անդրադարձել է ՀՀ կառավարության որոշմանը, որն առնչվում է ՄԻՊ–ի գրասենյակի ֆինանսավորմանը։ 
Իշխանյան. «Եթե ՄԻՊ–ը լիներ իշխանությանը հլու, ապա նրա ֆինանսավորումը չէր կրճատվի, կավելանար»

Ավետիք Իշխանյանի դիտարկմամբ`ամենակարևոր խնդիրն այն է, որ կառավարության որոշումը հակասում է «Մարդու իրավունքների պաշտպանի մասին» ՀՀ սահմանադրական օրենքին, ըստ որի`ՄԻՊ–ի գրասենյակի ֆինանսավորումը չի կարող ցածր լինել նախորդ տարվա բյուջեով հատկացված չափից։ Իշխանյանի կարծիքով` հենց այդ օրենսդրության շնորհիվ է նաև, որ ՄԻՊ–ի հայաստանյան գրանսենյակը ունի միջազգային ճանաչում և համարվում է «Ա» կարգի բարձր կառույց։

«Կառավարության որոշմամբ այդ ամենը փաստորեն ի չիք է դառնում։ Բայց դա հարցի արտաքին կողմն է, մինչդեռ իմ համոզմամբ` պատճառն իրականում շատ ավելի խորն է։ Հայաստանի վարչապետը չի կարողանում համակերպվել այն մտքի հետ, որ երկրում կարող է լինել իրեն չենթարկվող պետական կառույց, մինչդեռ Հայաստանում կան մի քանի պետական կառույցներ, որոնք օրենսդրորեն անկախ են գործադիրից` ՍԴ–ն, դատարանները, դատախազությունը և ՄԻՊ–ի գրասենյակը»,– նշեց իրավապաշտպանը։

Эдмон Марукян  - Sputnik Արմենիա, 1920, 15.03.2021
«Իշխանությունը չի հասկացել` ինչին է ձեռք տալիս». Մարուքյանը` ՄԻՊ-ին առնչվող նախագծի մասին

Իշխանյանի կարծիքով` ՄԻՊ–ի գրասենյակը գործել և գործում է նույնիսկ երևակայությունից վեր գերլարված գրաֆիկով՝ թե՛ պատերազմի ժամանակ փաստահավաք աշխատանքով, զեկույցներով, թե՛ գերիների հետ կապված խնդրով, ինչպես նաև ներքաղաքական դաշտում իր գործունեությամբ` արձանագրելով ու քննադատելով իշխանության կողմից մարդու իրավունքների ոտնահարման դրսևորումները և քննադատելով նաև ընդդիմությանը, երբ նրա բառապաշարում նկատվում են վտանգավոր տարրեր։   

«ՄԻՊ–ի գրասենյակն ինքնուրույն և օբյեկտիվորեն աշխատող կառույց է, բայց չի ենթարկվում անձամբ վարչապետին, նրա ստրուկը չէ։ Հիմնական պատճառն այն չէ, որ ֆինանսատնտեսկան վիճակը Հայաստանում բարվոք չէ, ուստի կրճատում են ՄԻՊ–ի բյուջեն, այլ այն, որ նա վարչապետին հնազանդ չէ և՛ դե–յուրե, և՛ հոգեբանորեն։ Եթե ՄԻՊ–ը լիներ իշխանությանը հլու, չքննադատեր նրան վերջին տարիներին, պաշտպաներ իշխանությանը բոլոր հարցերում` քննադատելով ընդդիմությանը, ինչպես արեցին քաղհասարակության շատ ներկայացուցիչներ, ապա ՄԻՊ–ի ֆինանսավորումը չէր կրճատվի, կավելանար, նույնիսկ նրան կտային ստվերային մեծ գումարներ»,– նշեց իրավապաշտպանը։ 

Անդրադառնալով այն հարցին, թե Ազգային ժողովը կհաստատի՞ արդյոք կառավարության որոշումը, Իշխանյանն ընդգծեց, որ դա կախված կլինի վարչապետի կամքից, եթե վերջինս ընկրկի միջազգային հանրության կոչերի առջև, ապա նախագիծը նույնիսկ չի հասնի ԱԺ, իսկ եթե հասնի խորհրդարան, ուրեմն կա հրահանգ, և ԱԺ–ն կհաստատի այդ որոշումը։  

Փոփոխությունները մտահոգիչ են. Հայաստանի փաստաբանների պալատն աջակցում է ՄԻՊ–ին

Հիշեցնենք, որ կառավարության ընդունած որոշմամբ` առաջարկվում է ուժը կորցրած ճանաչել «Մարդու իրավունքների պաշտպանի մասին» 2016 թվականին ընդունված սահմանադրական օրենքի 8-րդ հոդվածի 5-րդ մասը, որով էլ ամրագրված է, որ ՄԻՊ գրասենյակի ֆինանսավորումը չի կարող ցածր լինել նախորդ տարվա բյուջեով հատկացված չափից։

Հայաստանի մարդու իրավունքների պաշտպան Արման Թաթոյանը մարտի 13-ին հայտարարեց, որ կառավարությունը փորձում է վերացնել ՄԻՊ–ի անկախությունը։

Լրահոս
0