ԵՐԵՎԱՆ, 15 մարտի - Sputnik. Երեկ` մարտի 14-ի երեկոյան, ողբերգական ավտովթար է տեղի ունեցել Լոռու մարզում: Կա զոհ և վիրավորներ։ Տեղեկությունը հայտնում է shamshyan.com–ը։
ՃՏՊ–ն տեղի է ունեցել ժամը 21:50-ի սահմաններում. Ստեփանավանի բնակիչ, 23-ամյա Արթուր Վահրադյանն իր վարած Toyota Camry մակնիշի ավտոմեքենայով, Ստեփանավան-Լոռի Բերդ ավտոճանապարհի Լեջան գյուղի վարչական տարածքում, դեռևս անհայտ հանգամանքներում, գլխիվայր շրջվել է:
Վթարի հետևանքով վարորդ Ա. Վահրադյանը տեղում մահացել է, իսկ 3 հոգի մարմնական վնասվածքներով տեղափոխվել են «Ստեփանավան» բժշկական կենտրոն:
Ավելացել են վթարները, որոնք տեղի են ունենում հանդիպակաց գոտի դուրս գալու պատճառով
Փաստի առթիվ հարուցվել է քրեական գործ՝ ՀՀ քրեական օրենսգրքի 242–րդ հոդվածի 2-րդ մասի հատկանիշներով:
Ոստիկանությունն ու քննչական բաժինը պարզում են վիրավորների ինքնությունը:
Կայքի տեղեկություններով` մահացածը ոստիկանության ծառայող էր, իսկ վիրավորները նրա ընտանիքի անդամներն են:
Հարց է` վթարների համար ավելի շատ անփորձնե՞րն են մեղավոր, թե՞ փորձառուները
