«Մարտի 1-ի» գործով հերթական նիստը հետաձգվեց. ամբաստանյալների գործերը կառանձնացվե՞ն

© Sputnik / Andranik GhazaryanСудебное заседание по делу 1 марта (23 июня 2020). Еревaн
Судебное заседание по делу 1 марта (23 июня 2020). Еревaн - Sputnik Արմենիա, 1920, 16.03.2021
Բաժանորդագրվեք
НовостиTelegram
Արամ Վարդևանյանը հայտնեց, որ հաջորդ երեքշաբթի ՍԴ–ն քննելու է Քոչարյանի բողոքը, սակայն դատավորը նշեց` այդ փաստը չի խանգարի, որ 2 ժամ տարբերությամբ «Մարտի 1-ի» գործով նիստ նշանակվի։

ԵՐԵՎԱՆ, 16 մարտի – Sputnik. ՀՀ երկրորդ նախագահ Ռոբերտ Քոչարյանի և մյուսների դեմ հարուցված քրգործով այսօր նախատեսված նիստը նույնպես հետաձգվեց։ ՀՀ պաշտպանության նախկին նախարար, «Մարտի 1-ի» գործով ամբաստանյալ Սեյրան Օհանյանը ներկա չէր նիստին. նա դեռ հիվանդանոցում է։

Пресс-конференция второго президента Армении Роберта Кочаряна для российских журналистов (4 марта 2021). Еревaн - Sputnik Արմենիա, 1920, 16.03.2021
Միասին կարող ենք բուժել վերքերը և նորից վերականգնել երկիրը. Ռոբերտ Քոչարյանի գրառումը

Երեկ Կարեն Մեժլումյանը Sputnik Արմենիայի հետ զրույցում նշել էր, որ Օհանյանի մոտ հայմորիտ է ախտորոշվել, և նա դեռ մնալու է հոսպիտալում։

Երևանի ընդհանուր իրավասության դատարանի դատավոր Աննա Դանիբեկյանը հայտնեց, որ մարտի 15-ին դատարան է ստացվել Օհանյանի պաշտպան Կարեն Մեժլումյանի դիմումը, ըստ որի` Օհանյանը դեռևս գտնվում է հիվանդանոցում և չի կարող մասնակցել այսօրվա նիստին։

Նշենք, որ Ռոբերտ Քոչարյանը նույնպես ներկա չէր նիստին։ Նրա պաշտպան Արամ Վարդևանյանը պարզաբանեց, որ տեղեկանալով, թե Օհանյանը դեռևս հիվանդանոցում է, և հաշվի առնելով, որ դատավարության մասնակիցներից մեկի բացակայության պայմաններում նիստ չի կայանա, ինքն է խորհուրդ տվել Քոչարյանին այս նիստին չներկայանալ։

Գործով դատախազներն էլ նկատեցին` արդեն 4-րդ նիստն է, որ հետաձգվում է։ Ուստի նրանք պատրաստ են առաջիկայում միջնորդություն ներկայացնել, որպեսզի գործով ամբաստանյալների գործերն անջատվեն ու առանձին վարույթներում քննվեն։

«Հաշվի առնելով, որ առկա պայմաններով նիստը չի կարող շարունակվել` հաջորդ նիստը կնշանակվի մարտի 23-ին` ժամը 13։00-ին»,–ասաց դատավոր Աննա Դանիբեկյանը։

Նշենք, որ Վարդևանյանը դատավորին խնդրեց հաշվի առնել այն հանգամանքը, որ հաջորդ երեքշաբթի՝ մարտի 23-ին, ժամը 11։00-ին ՍԴ–ն գրավոր քննելու է Քոչարյանի և Երևան քաղաքի առաջին ատյանի ընդհանուր իրավասության դատարանի դիմումների հիման վրա քրեական օրենսգրքի 300.1-ին հոդվածի՝ Սահմանադրությանը համապատասխանելու հարցը։

Դատավորը պատասխանեց` դա չի խանգարի, որ ժամը 13-ին էլ այս գործով նիստ նշանակվի։

Հիշեցնենք, որ մարտի 9-ին նախորդող երկու նիստերը նույնպես հետաձգվել էին. փետրվարի 23-ին ՀՀ նախկին փոխվարչապետ Արմեն Գևորգյանը և նրա պաշտպան էին բացակայում նիստից։ Մարտի 2-ին Գևորգյանը կրկին ներկա չէր նիստին։ Նրա պաշտպան Էրիկ Ալեքսանյանը դատարանին հայտնել էր, որ պաշտպանյալի մոտ սուր շնչառական հիվանդություն է ախտորոշվել։

Сейран Оганян выступает на митинге оппозиции (20 февраля 2021). Еревaн - Sputnik Արմենիա, 1920, 01.03.2021
Բանակը ճիշտ է արել, և վարչապետն իրավունք չունի հետապնդելու հրամանատարներին. Սեյրան Օհանյան

2008-ի ՀՀ նախագահական ընտրություններից հետո` փետրվարի 24-ին, ԿԸՀ-ն հայտարարեց, որ ընտրություններում հաղթել է Սերժ Սարգսյանը։ Օրեր շարունակ բողոքի ակցիայի մասնակիցները, որոնք նախագահի թեկնածու, ՀՀ առաջին նախագահ Լևոն Տեր-Պետրոսյանի կողմնակիցներն էին, պահանջում էին վերահաշվարկել քվեները։

Մարտի 1-ի երեկոյան ԶՈւ և ոստիկանության ստորաբաժանումները Երևանի կենտրոնական փողոցներում զենքի, պայթուցիկ սարքերի և հատուկ միջոցների օգնությամբ ցուցարարներին ցրելու համար հատուկ գործողություններ իրականացրին։ Հարյուրավոր մարդիկ վնասվածքներ ստացան, մահացան 8 քաղաքացիական անձինք և 2 ոստիկան։

10 տարի չբացահայտված մնացող քրեական գործը «թավշյա հեղափոխությունից» հետո ՀՔԾ-ում նոր թափ ստացավ։ Գործի շրջանակում մեղադրանք է առաջադրվել ՀՀ 2-րդ նախագահ Ռոբերտ Քոչարյանին, ՀԱՊԿ գլխավոր քարտուղար Յուրի Խաչատուրովին: Գործով անցնում են նաև 2008-ին ԶՈւ գլխավոր շտաբի պետ Սեյրան Օհանյանը, 2008-ին նախագահի աշխատակազմի ղեկավար, ԱԽՔ Արմեն Գևորգյանը:

Լրահոս
0