ՀՀ նախագահն ընդունել է Արամ Սարգսյանին և Արտակ Զեյնալյանին. ի՞նչ են քննարկել նրանք

© Photo / official site of the President of RAПрезидент Армен Саркисян встретился с лидером партии «Республика» Арамом Саркисяном и членом политсовета Артаком Зейналяном (22 марта 2021). Еревaн
Президент Армен Саркисян встретился с лидером партии «Республика» Арамом Саркисяном и членом политсовета Артаком Зейналяном (22 марта 2021). Еревaн - Sputnik Արմենիա, 1920, 22.03.2021
Բաժանորդագրվեք
«Հանրապետություն» կուսակցության ներկայացուցիչները ներկայացրել են իրենց տեսակետն ու դիրքորոշումը:

ԵՐԵՎԱՆ, 22 մարտի – Sputnik․ ՀՀ նախագահ Արմեն Սարգսյանն այսօր հանդիպել է «Հանրապետություն» կուսակցության նախագահ Արամ Սարգսյանի և կուսակցության քաղաքական խորհրդի անդամ Արտակ Զեյնալյանի հետ: Տեղեկությունը հայտնում են նախագահի մամուլի ծառայությունից։

Նշվում է, որ հանդիպումը կայացել է հանրապետության նախագահի խորհրդարանական և արտախորհրդարանական քաղաքական ուժերի հետ իր նախաձեռնած քննարկումների շրջանակում։

Президент Армен Саркисян принял представителей партии «Справедливая Армения» (22 марта 2021). Еревaн - Sputnik Արմենիա, 1920, 22.03.2021
ՀՀ նախագահ Արմեն Սարգսյանը հանդիպել է «Արդար Հայաստանի» ղեկավարների հետ

Հանդիպմանը քննարկվել են երկրում ստեղծված իրավիճակը, այն հանգուցալուծելու և ներքաղաքական ճգնաժամը հաղթահարելու ուղիները:

«Հանրապետություն» կուսակցության ներկայացուցիչները ներկայացրել են իրենց տեսակետն ու դիրքորոշումը:

Նշենք, որ նոյեմբերի 9–ի եռակողմ հայտարարության ընդունումից հետո երկրում առաջացած ներքաղաքական ճգնաժամը հաղթահարելու համար ՀՀ նախագահ Արմեն Սարգսյանը պարբերաբար հանդիպումներ է ունենում տարբեր քաղաքական ուժերի ներկայացուցիչների հետ։

Երբ երկրում ներքաղաքական ճգնաժամն առավել սրվեց, Արմեն Սարգսյանն ընդդիմադիր ուժերին ու Նիկոլ Փաշինյանին առաջարկեց հանդիպել նախագահական նստավայրում։

Ավելի ուշ հայտնի դարձավ, որ այդ ձևաչափով հանդիպում չի կայանա։ Նախագահի մամուլի ծառայությունը հայտարարեց` քանի որ «Բարգավաճ Հայաստան» խորհրդարանական խմբակցությունը և Հայրենիքի փրկության շարժումը հանդիպման համար առաջարկել են իրենց օրակարգն ու պայմաններ ներկայացրել, այս պահին մեկ սեղանի շուրջ հանդիպման ձևաչափը դառնում է անիրագործելի։

Այնուամենայնիվ, նախագահը շարունակեց հանդիպումների շարքը։ Մարտի 13-ին ՀՀ նախագահի մամուլի ծառայությունը հայտնեց, որ Սարգսյանը հանդիպել է վարչապետ Նիկոլ Փաշինյանի, «Լուսավոր Հայաստան» խմբակցության նախագահ Էդմոն Մարուքյանի և «Իմ քայլը» խմբակցության նախագահ Լիլիթ Մակունցի հետ:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала