ԵՐԵՎԱՆ, 24 մարտի – Sputnik. Այսօր Ազգային ժողովի նիստում, երբ «Իմ քայլը» խմբակցության ղեկավար Լիլիթ Մակունցը հայտարարել է, որ իրենք կողմ են քվեարկելու ռազմական դրության չեղարկմանը, իմքայլական պատգամավորները զարմացել են այդ նորությունից։
Mediaport Telegram–ալիքը հրապարակել է մի տեսագրություն, որում լսվում է Մակունցի, Հակոբ Սիմիդյանի ու Մխիթար Հայրապետյանի խոսակցությունը։
Պատգամավորները զարմացած հարցնում են.
-Էս ի՞նչ նախագիծ ա, էսի ո՞ր նախագիծն ա:
-Ռազմականը հանելու:
-Բա խի՞ ենք կողմ քվեարկում:
-Արարատը խոսել ա կառավարության հետ, ասել են՝ արեք:
-Լո՞ւրջ ես ասում...
Հիշեցնենք` Ազգային ժողովն այսօր կողմ քվեարկեց երկու ընդդիմադիր խմբակցությունների` ԼՀԿ–ի ու ԲՀԿ–ի ներկայացրած նախագծին, որով առաջարկվում էր ՀՀ-ում ռազմական դրությունը վերացնել։ 118 կողմ, 1 դեմ, 1 ձեռնպահ ձայների հարաբերակցությամբ ԱԺ–ն վերացրեց ռազմական դրությունը Հայաստանի Հանրապետությունում։
Միակ դեմը. Գևորգ Պետրոսյանն ասաց` ինչու է դեմ քվեարկել ռազմական դրությունը վերացնելուն
