ԵՐԵՎԱՆ, 25 մարտի - Sputnik. ՅՈւՆԵՍԿՕ-ի Հայաստանի ազգային հանձնաժողովը տեղեկացնում է, որ Ադրբեջանը գետնին է հավասարեցրել իր ենթակայության տակ անցած տարածքում գտնվող եկեղեցիներից մեկը։ Հանձնաժողովը Twitter–ի իր էջում է ահազանգել այդ մասին` հավելելով, որ ԻՍԻՍ-ի «ձեռագրով» է եկեղեցին ավերվել։
#Armenia|n monuments of #Artsakh under #Azerbaijan|i occupation are vandalized and destroyed in ISIS-style.
— Armenian National Commission for UNESCO (@ArmUnesco) March 25, 2021
The disappeared #Armenia|n Church became a victim of an act of vandalism in the first place. #StopTerrorism pic.twitter.com/EswgTKskz2
Նշենք, որ խոսքը դեռևս 2017 թվականին Արցախի Մեխակավան բնակավայրում օծված Զորավոր սուրբ Աստվածածին եկեղեցու մասին է։
«Խստորեն դատապարտում ենք Ադրբեջանի իրականացրած հերթական մշակութային հանցագործությունը։ BBC–ն հայտնաբերել է, որ հայկական եկեղեցին հիմնովին ավիրվել է, երբ Ադրբեջանի վերահսկողության տակ է անցել այդ տարածքը»,–նշված է գրառման մեջ։
Շեշտվում է նաև, որ ավելի վաղ էլ վանդալիզմի էր ենթարկվել եկեղեցին։
Հիշեցնենք, որ սա միակ դեպքը չէ, որ ավերում են հայկական մշակութային կոթողները։ Շուշիի Կանաչ ժամը նույնպես պղծվել է, Ղազանչեցոցը վանդալիզմի է ենթարկվել և այդպես շարունակ։
