Հայաստանի հավաքականը հաղթանակով սկսեց աշխարհի առաջնության ընտրական փուլը

© REUTERS / ARND WIEGMANNНападающий сборной Армении по футболу Саркис Адамян в борьбе за мяч с футболистами сборной Лихтенштейна, полузащитником Ливио Мейером и защитником Андреасом Малином (25 марта 2021). Вадуц
Нападающий сборной Армении по футболу Саркис Адамян в борьбе за мяч с футболистами сборной Лихтенштейна, полузащитником Ливио Мейером и защитником Андреасом Малином (25 марта 2021). Вадуц - Sputnik Արմենիա, 1920, 26.03.2021
Բաժանորդագրվեք
Ունենալով խաղային ու տարածքային բացահայտ առավելություն` Հայաստանի հավաքականն աշխարհի 2022 թվականի առաջնության ընտրական փուլի Լիխտենշտեյնի հետ արտագնա խաղում հաղթանակի հասավ նվազագույն հաշվով։

ԵՐԵՎԱՆ, 26 մարտի – Sputnik․ Հայաստանի ֆուտբոլի հավաքականը Լիխտենշտեյնի հավաքականի հետ խաղում 24 անգամ հարված կատարեց մրցակցի դարպասի ուղղությամբ, բայց նպատակին հասավ միայն Նոա Ֆրումմետի հարվածը, որը դառնալով ինքնագոլի հեղինակ, հաղթանակ պարգևեց մեր ընտրանուն։

Игрок «Тоттенхэм Хотспур» (второй слева) бросает вызов голкиперу «Локомотива» Мартину Лукову во время футбольного матча Лиги Европы между «Локомотивом» и «Тоттенхэм Хотспур» на стадионе «Локомотив» в Пловдиве (17 сентября 2020). Болгария - Sputnik Արմենիա, 1920, 24.03.2021
299 խաղ, 140 գոլ, ռմբարկու և մարզիչ. Էդուարդ Երանոսյանը բուլղարական ֆուտբոլի խորհրդանիշն է

Առաջին խաղակեսում մեր հավաքականը շատ մեծ առավելություն  ուներ մրցակցի նկատմամբ։ Խաղային ու տարածքային բացահայտ առավելությունն արտահայտվում էր և՛ վիճակագրությամբ, և՛ Լիխտենշտեյնի հավաքականի դարպասի մոտ վտանգավոր պահերով։ Գնդակին տիրելու առումով էլ մենք ոչ մի խնդիր չունեինք։ 

Մինչև ընդմիջում Հայաստանի հավաքականը գնդակին տիրել էր 74 տոկոսով, մրցակցի 26-ի դիմաց։ Բայց ունենալով նման առավելություն ու ստեղծելով գոլային մի քանի պահեր` մեր թիմը չէր կարողանում բացել հաշիվը։ Խաղին հետևելիս պարզ էր դառնում, որ դժվարն առաջին գնդակն է լինելու։

Հարկ է նշել, որ առաջին կեսի ընթացքում Անդրե Կալիզիրի, Հովհաննես Համբարձումյանի, Սարգիս Ադամյանի պահերից բացի մրցավարը կարող էր (եթե կիրառվեր VAR համակարգը) նշանակել 11 մետրանոց։ Մի քանի վայրկյանի ընթացքում Խորեն Բայրամյանի նկատմամբ կանոնները երկու անգամ խախտվեցին, իսկ ավստրիացի մրցավարը համառորեն չէր ուզում ցույց տալ նշակետը։

Մեր հավաքականի գլխավոր մարզիչ Խոակին Կապառոսը, տարածքային ու խաղային առավելությունն արագ կերպով նյութականի վերածելու նպատակով, երկրորդ խաղակեսի սկզբից խաղադաշտ դուրս բերեց Ալեքսանդր Կարապետյանին` ուժեղացնելով մեր ընտրանու հարձակողական ներուժը։ Իհարկե Արտակ Գրիգորյանին փոխարինելով` դիրքային փոփոխություններ Հայաստանի ընտրանու կազմում եղան, բայց խաղադաշտի կենտրոնում մենք խնդիր չունեինք, մրցակիցը մտածում էր միայն սեփական դարպասն անառիկ պահելու մասին։

Տիկնիզյանն ու Զախարյանը գոլեր են խփել Ռուսաստանի երիտասարդական հավաքականի կազմում

Դրա համար էլ հարձակվողական ոճի ֆուտբոլիստների թիվը մեր թիմի կազմում ավելացավ։ Ի վերջո Կապառոսը հարձակվողների թիվը էլի ավելացրեց` խաղադաշտ դուրս բերելով Արթուր Միրանյանին և Էդգար Բաբայանին։ Բայց գնդակը չէր ուզում հայտնվել մրցակցի դարպասում և վերջ։

Полузащитник Краснодара Эдуард Сперцян в борьбе за мяч с защитником Севильи Хесусом Навасом во время футбольного матча группы Е Лиги чемпионов (4 ноября 2020). Севилья - Sputnik Արմենիա, 1920, 25.03.2021
Էդուարդ Սպերցյանը կմիանա Հայաստանի ազգային հավաքականին. հայտնի է` երբ

Երկրորդ կեսում էլ Հայաստանի հավաքականի առավելությունը շոշափելի էր, վտանգավոր պահերն ու հարվածներ էլ կային, բայց գոլ չկար։ Խաղի ավարտին մնում էր 20 րոպե։ Հարվածներով ունենալով առավելություն՝ 20։0, մեր թիմն ուրախանալու առիթ չուներ։ Լարվածությունը հասել էր գագաթնակետին, ու մեզ օգնության եկավ դաշտի տերերի պաշտպանը, որը Տիգրան Բարսեղյանի տուգանայինից հետո գնդակն ուղարկեց սեփական դարպասը։

Բայց դա ինչպես ասում են մեր խնդիրը չէ։ Մեզ հարկավոր էր հաղթանակ, ու այդ հաղթանակին մեր թիմը Լիխտենշտեյնի հետ խաղում արժանի էր։ Վերջապես Հայաստանի հավաքականը կարողացավ հաղթել Լիխտենշտեյնի ընտրանուն մրցակցի հարկի տակ։

Հաղթանակն այս խաղում շատ կարևոր էր մեր թիմի համար և՛ խմբային փուլում առաջին միավորները վաստակելու առումով, և՛ հոգեբանորեն։ Բայց առաջիկա օրերին մեր թիմին սպասում են ավելի ուժեղ ու վտանգավոր մրցակիցներ։ Մարտի 25-ին մենք ընդունելու ենք Իսլանդիայի ընտրանուն, իսկ գարնան առաջին ամսվա վերջին օրը Երևանում մրցելու ենք ռումինացիների հետ։

«Բարի գալուստ, Բայդաչնի». «Արարատ Արմենիան» նոր գլխավոր մարզիչ ունի

Հավելենք, որ ընտրական մեր խմբում Գերմանիայի հավաքականը 3։0 հաշվով հաղթեց Իսլանդիայի ընտրանուն, իսկ Ռումինիա- Հյուսիսային Մակեդոնիա խաղում գրանցվեց 3։2 հաշիվը։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала