Պատերազմը նաև ԵԱՀԿ Մինսկի խմբի համանախագահների գործունեության ձախողումն էր. Այվազյան

© Photo : Facebook / ԱՀ Արտակարգ իրավիճակների պետական ծառայությունГражданские инфраструктуры Степанакерта после обстрелов
Гражданские инфраструктуры Степанакерта после обстрелов - Sputnik Արմենիա, 1920, 29.03.2021
Բաժանորդագրվեք
ՀՀ արտգործնախարարը նշեց, որ Հայաստանը շահագրգռված է վերսկսել բանակցությունները Մինսկի խմբի համանախագահների հովանու ներքո։

ԵՐԵՎԱՆ, 29 մարտի - Sputnik. Պատերազմը նաև ԵԱՀԿ Մինսկի խմբի համանախագահների գործունեության ձախողումն էր։ ԱԺ արտաքին հարաբերությունների մշտական հանձնաժողովի նիստում հայտարարեց ՀՀ արտաքին գործերի նախարար Արա Այվազյանը։

«Հայաստանը բոլոր ջանքերն է գործադրել, որպեսզի հարցը լուծվի խաղաղ ճանապարհով` բանակցությունների միջոցով։ Նույն բանն արել են նաև համանախագահները, սակայն նրանք ոչ միայն կոչված էին և կոչված են ստեղծել բարենպաստ մթնոլորտ բանակցությունների միջոցով հարցի կարգավորմանը հասնելու համար, այլ նրանք նաև կոչված էին և են բացառելու ռազմական լուծումը։ Սեպտեմբերի 27-ը ապացուցեց, որ իրենք ձախողվել են իրենց այդ մանդատի ուղղությամբ աշխատանքները»,– ասաց նախարարը։

Նա նշեց, որ այսօր կան որոշակի տեխնիկական խնդիրներ, որոնց մասին հիմա խոսել չի ուզում։ Սակայն, ըստ նախարարի, Հայաստանը շահագրգռված է վերսկսել բանակցությունները Մինսկի խմբի համանախագահների հովանու ներքո:

Встреча министра иностранных дел Армении Ара Айвазяна с сопредседателями Минской группы ОБСЕ (14 декабря 2020). Еревaн - Sputnik Արմենիա, 1920, 29.03.2021
Չեմ բացառում, որ ոչ հեռավոր ապագայում համանախագահները Հայաստան կգան. Այվազյան

Սակայն Այվազյանը շեշտեց` մեզ պետք է ուժեղ համանախագահություն, որը ոչ թե կարձանագրի ներկայիս իրավիճակը, այլ կղեկավարի գործընթացը։

ԱԳ նախարար հավելեց, որ համաձայն չէ հնչող այն մտքերին, որ պատերազմը նաև ՀՀ արտաքին քաղաքականության, հատկապես դիվանագիտության ձախողում էր։

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

ՀՀ–ն թշնամիներ չի փնտրում տարածաշրջանում. Այվազյանը` թուրքական սպառնալիքի մասին

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала