«Ի՞նչ տարածքներով է լինելու Արցախի ինքնորոշումը». Թովմասյանը հարց ուղղեց ԱԳ նախարարին

© Sputnik / Arpi BeglaryanАвтотрасса Варденис-Мартакерт
Автотрасса Варденис-Мартакерт - Sputnik Արմենիա, 1920, 29.03.2021
ԱԺ եվրոպական ինտեգրման հարցերի հանձնաժողովի արտահերթ նիստի ժամանակ Արա Այվազյանն անդրադարձավ Արցախի հարցի կարգավորմանը։

ԵՐԵՎԱՆ, 29 մարտի - Sputnik. ԱԺ եվրոպական ինտեգրման հարցերի հանձնաժողովի արտահերթ նիստի ժամանակ պատգամավոր Թագուհի Թովմասյանն ԱԳ նախարարից հետաքրքվեց, թե ի՞նչ տարածքներով է լինելու Արցախի ինքնորոշումը։

Министр иностранных дел Армении Ара Айвазян на заседании в Парламенте (10 февраля 2021). Еревaн - Sputnik Արմենիա, 1920, 29.03.2021
«Մեր գերիների թիվը 188 չէ». ԱԳ նախարար

«Դուք հայտարարում եք, որ Արցախի հարցի կարգավորումն ինքնորոշման իրավունքի իրացման հիման վրա պետք է լինի։ Կուզեի իմանալ` ի՞նչ սահմանների մասին է խոսքը, քանի որ ԱԺ–ում մենք էլ մի փաստաթուղթ ենք շրջանառության մեջ դնելու, որ ավելի հստակ լինի տարածքների հարցը»,–ասաց Թովմասյանը։

Ի պատասխան ՀՀ արտաքին գործերի նախարար Արա Այվազյանը նշեց, որ տարածքի վերաբերյալ սահմանումը պետք է փոխադարձաբար հստակեցվի Արցախի գործընկերների հետ։

«Սակայն այս պահին պետք է հստակ նշել` Արցախի հարցի կարգավորումը պետք է լինի այն տարածքների շրջանակում, որտեղ Արցախի ժողովուրդն ինքնորոշվել է»,–ասաց Այվազյանը։

Թագուհի Թովմասյանն էլ արձագանքեց, որ ԱԺ–ում շրջանառության մեջ դրվելիք նախագծով էլ Արցախի անկախության հռչակագրում ամրագրված սահմաններն են լինելու։

Արա Այվազյանն ապրիլի 1-ին կմեկնի Մոսկվա

Նշենք, որ ըստ Լեռնային Ղարաբաղի Հանրապետության հռչակագրի` խոսքը ԼՂԻՄ-ի և Շահումյանի շրջանի մասին է։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала