Ադրբեջանում հայտարարել են, որ հայկական կողմը «Իսկանդեր» է կիրառել

© Sputnik / Павел Лисицын / Անցնել մեդիապահոցРазвёртывание оперативно-тактического ракетного комплекса "Искандер-М"
Развёртывание оперативно-тактического ракетного комплекса Искандер-М - Sputnik Արմենիա, 1920, 31.03.2021
Բաժանորդագրվեք
НовостиTelegram
Ադրբեջանական կողմը հայտնել է, որ Շուշիի մոտակայքում ականազերծման աշխատանքների ընթացքում պայթած հրթիռների բեկորներ են հայտնաբերվել:

ԵՐԵՎԱՆ, 31 մարտի –Sputnik. Հայկական կողմը արցախյան 44–օրյա պատերազմի ընթացքում «Իսկանդեր» հրթիռային համալիրներ է օգտագործել։ Haqqin.az-ի փոխանցմամբ՝ տեղեկությունը հայտնել է Ադրբեջանի ականազերծման գործակալության (ANAMA) ներկայացուցիչը։

Подготовка к боевому пуску ракеты ОТРК Искандер-М с полигона Капустин Яр (2 марта 2018). Астраханская область - Sputnik Արմենիա, 1920, 24.02.2021
«Իսկանդերի» կոնստրուկտորը պատասխանել է Հայաստանի վարչապետին

Ադրբեջանցի պաշտոնյայի խոսքով՝ 2020 թվականի դեկտեմբերից գործակալությունը Շուշիում ականազերծման ու զինամթերքի վնասազերծման աշխատանքներ է իրականացնում: 2021 թվականի մարտի 15-ին ականազերծման ընթացքում հայտնաբերվել են երկու հրթիռի բեկորներ։ Կառույցի ներկայացուցիչը նշել է նաև հրթիռների բեկորների աշխարհագրական կոորդինատները՝ 39 ° 45 «38.10» N 46°44 «33.90» E ու 39°45 «27.80» N 46 ° 45 «25.80» E.

Նրա խոսքով՝ հրթիռի տարբերակիչ համարի (9Մ723) ստուգման ընթացքում մասնագետները պարզել են, որ դրա բեկորները պատկանում են «Իսկանդեր» հրթիռային համալիրին:

Ադրբեջանի նախագահ Իլհամ Ալիևն ավելի վաղ ասել էր, որ Բաքուն Հայաստանի կողմից «Իսկանդերների» օգտագործման մասին տեղեկություն չունի:

«Իսկանդերի» մասին խոսելով՝ Նիկոլն ավելի նվազեցրեց ՀՀ-ի անվտանգության մակարդակը. Մանուկյան

Անցյալ տարվա նոյեմբերին ՀՀ ԶՈւ գլխավոր շտաբի նախկին պետ Մովսես Հակոբյանը հայտարարել էր, որ «Իսկանդերներն» օգտագործվել են պատերազմի վերջին օրերին։ Իսկ ՀՀ երրորդ նախագահ Սերժ Սարգսյանն այս տարվա փետրվարին հարցազրույցներից մեկում ասել էր, որ համալիրներից կրակել են Շուշիի ուղղությամբ։ Թեման զարգացում էր ստացել վարչապետ Նիկոլ Փաշինյանի հարցազրույցից հետո, որն ասել էր, թե «Իսկանդերի» հրթիռները պայթել են 10 տոկոսով։ Այս արտահայտությունը լուրջ արձագանք էր առաջացրել։ ՌԴ ՊՆ-ն իր հերթին հայտարարեց, որ «Իսկանդերները» պատերազմի ընթացքում չեն կիրառվել։

Փաշինյանը մինչև վերջ չի հասկանում «Իսկանդերի» թեմայի ամբողջ նրբությունը. ռուս փորձագետ

Լրահոս
0