Զինվորական դատախազն այցելել է կենտրոնական հավաքակայան

© Photo : official site of the Prosecution of RAВоенный прокурор Ваге Арутюнян в сопровождении начальника Службы призыва и набора МО Армена Автандиляна посетил Центральный сборный пункт (1 апреля 2021). Еревaн
Военный прокурор Ваге Арутюнян в сопровождении начальника Службы призыва и набора МО Армена Автандиляна посетил Центральный сборный пункт (1 апреля 2021). Еревaн - Sputnik Արմենիա, 1920, 01.04.2021
Բաժանորդագրվեք
Մի քանի զորակոչիկներ ՊՆ կենտրոնական հավաքակայանից հետ են վերադարձվել կրկնակի հետազոտություններ անցկացնելու նպատակով։

ԵՐԵՎԱՆ, 1 ապրիլի - Sputnik. ՀՀ զինվորական դատախազ, ՀՀ գլխավոր դատախազի տեղակալ Վահե Հարությունյանը ՊՆ զորակոչային և զորահավաքային համալրման ծառայության պետ Արմեն Ավթանդիլյանի ուղեկցությամբ այցելել է ՊՆ կենտրոնական հավաքակայան։ Տեղեկությունը հայտնում է դատախազությունը` հավելելով, որ Հարությունյանը հետևել է զորակոչի կազմակերպման, անցկացվող վիճակահանության գործընթացներին։

Зимний призыв в армию 2017, Ереван  - Sputnik Արմենիա, 1920, 29.03.2021
Հայտնի է` երբ է լրանում զորակոչից տարկետում ստանալու փաստաթղթերի ներկայացման վերջնաժամկետը

«Կենտրոնական հավաքակայանում զինվորական դատախազը հաղորդակցվել է զորակոչիկների հետ, լսել նրանց կարծիքներն ու առաջարկությունները: Հարությունյանը կարևորել է, որ զորակոչիկները վիճակահանության անաչառությամբ խնդիրներ չեն մատնանշել, դժգոհություններ չեն արտահայտել, ինչը ևս վկայում է հատկապես հետպատերազմյան շրջանում իրականացվող առաջին զորակոչի շրջանակներում այս գործընթացի պատշաճ անցկացվելու մասին»,–նշված է հաղորդագրության մեջ:

Հարությունյանը ներկա է գտնվել նաև հավաքակայանում անցկացվող բժշկական հետազոտությունների կազմակերպման աշխատանքներին, որի ընթացքում առանձնազրույցներ է ունեցել ինչպես տարբեր բժիշկ-մասնագետների, այնպես էլ հետազոտվող զորակոչիկների հետ: Առանձին անձանց առողջական վիճակի վերաբերյալ առկա կասկածները փարատելու համար նա հանձնարարել է վերջիններիս ենթարկել կրկնակի ու ավելի մանրազնին հետազոտության:

Ո՞ւմ պետք է դիմեք, եթե բողոքներ ունենաք ձմեռային զորակոչի ընթացքում

 Զինվորական դատախազին զեկուցվել է, որ մի քանի զորակոչիկներ ՊՆ կենտրոնական հավաքակայանից հետ են վերադարձվել կրկնակի հետազոտություններ անցկացնելու նպատակով, ինչի կապակցությամբ տրվել է հանձնարարական՝ տվյալ զորակոչիկների անձնական գործերն ուսումնասիրության նպատակով ուղարկել զինվորական դատախազություն:

Ելնելով իրեն ներկայացված առաջարկությունների, գանգատների ու մտահոգությունների բնույթից՝ դատախազը ՊՆ զորակոչային և զորահավաքային համալրման ծառայության պետին տվել է զորակոչի գործընթացը և կազմակերպչական հարցերն առավել բարելավվելուն ուղղված կոնկրետ ցուցումներ:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала