Եկեք, վերացրեք, մեկ է՝ չենք կատարելու. Օնիկ Գասպարյանի փաստաբան

© Sputnik / Aram NersesyanАдвокат Арам Орбелян ответил на вопросы журналистов в Апелляционном суде Армении (27 ноября 2018). Еревaн
Адвокат Арам Орбелян ответил на вопросы журналистов в Апелляционном суде Армении (27 ноября 2018). Еревaн - Sputnik Արմենիա, 1920, 02.04.2021
Բաժանորդագրվեք
Փաստաբանը շեշտեց, որ դատական գործընթացներն արագացնելու համար դատարանում կադրերի ավելացումը պետության ձեռքում է:

ԵՐԵՎԱՆ, 2 ապրիլի – Sputnik. ՀՀ զինված ուժերի ԳՇ նախկին պետ, գեներալ-գնդապետ Օնիկ Գասպարյանի հայցի քննությունը դատարանում կարող է երկարձգվել այնքան, որ նրան վերջում միայն դրամական փոխհատուցում տրվի: Այսօր դատական նիստի ավարտին, լրագրողների հետ զրույցում նման կարծիք հայտնեց Գասպարյանի փաստաբան Արամ Օրբելյանը:

Начальник Генерального штаба ВС РА генерал-полковник Оник Гаспарян - Sputnik Արմենիա, 1920, 02.04.2021
Որոշումը գրավոր կներկայացվի կողմերին. դատարան քննեց ԳՇ նախկին պետ Օնիկ Գասպարյանի հայցը

«Խնդիրն այն չէ, թե դատարանը հայցը բավարարելու է, թե ոչ, կամ Օնիկ Գասպարյանը իր պաշտոնում վերականգնելու է, թե չի վերականգնվելու: Խնդիրը հետևյալն է. կա անձի և պետության հարաբերություններ»,- ասաց նա՝ հավելելով, որ որպես կանոն նման գործերը բավական երկար են ձգվում:

Փաստաբանը շեշտեց, որ դատական գործընթացներն արագացնելու համար դատարանում կադրերի ավելացումը պետության ձեռքում է:

Մեկնաբանելով վարչապետի ներկայացուցչի՝ դատարանում ներկայացրած միջնորդությունը՝ դատարանի կիրառած միջանկյալ միջոցը վերացնելու մաին, ԳՇ նախկին պետի փաստաբանն ասաց. «Մոտավորապես ստացվում է, որ ասում է՝ դե քանի որ վարչական ակտ եք ընդունել, բայց մենք գտնում ենք, որ այդ ակտը կատարման ենթակա չէ, եկեք վերացրեք, մեկ է՝ մենք չենք կատարելու»:

Արամ Օրբելյանը չբացառեց, որ դատական նիստի՝ վարչապետի ներկայացուցչի խոսքի այդ հատվածի ձայնագրությունը իրենք հետագայում կավելացնեն քրեական գործի նյութերին:

Հիշեցնենք՝ Երևանի Վարչական դատարանում Օնիկ Գասպարյանի հայցի քննության ընթացքում ՀՀ վարչապետի ներկայացուցիչ Տաթևիկ Սարուխանյանը միջնորդեց վերացնել դատարանի ավելի վաղ կայացրած միջանկյալ որոշումը՝ Օնիկ Գասպարյանին ԳՇ պետի պաշտոնում վերականգնելու ու նրա պաշտոնանկության որոշումը մինչև դատավարության ավարտը կասեցնելու մասին:

Կողմերի դիրքորոշումները լսելուց հետո դատարանը նիստը հայտարարեց ավարտված՝ նշելով, որ հարցի վերաբերյալ որոշումը գրավոր կներկայացվի կողմերին:

Օնիկ Գասպարյանի գործով դատավորը մերժել է Փաշինյանի ներկայացուցչի միջնորդությունը

Հիշեցնենք, որ մարտի 18-ին հայտնի դարձավ, որ Վարչական դատարանի դատավոր Մհեր Պետրոսյանը բավարարել է Օնիկ Գասպարյանի հայցի ապահովման միջոցի միջնորդությունը։

Մարտի 25-ին Բարձրագույն դատական խորհուրդը Վարչական դատարանի դատավոր Մհեր Պետրոսյանից դիմում էր ստացել, որի առնչությամբ անմիջապես քննարկում էր կազմակերպվել: Դատավոր Մհեր Պետրոսյանը ԲԴԽ էր դիմել ու հայտնել, որ իր կյանքին վտանգ է սպառնում։ ԲԴԽ–ն այդ դիմումի պատճենն ուղարկել էր դատախազություն, որն էլ այն փոխանցել էր քրեական ոստիկանությանը։

Դատարանում Օնիկ Գասպարյանը վիճարկում է իրեն աշխատանքից ազատելու հարցը։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала