Թուրքիան ամեն ինչ կանի, որ Հայաստանը վերածի Աջարիայի պես մի բանի. Ռոբերտ Քոչարյան

© Sputnik / Asatur YesayantsПресс-конференция второго президента Армении Роберта Кочаряна для российских журналистов (4 марта 2021). Еревaн
Пресс-конференция второго президента Армении Роберта Кочаряна для российских журналистов (4 марта 2021). Еревaн - Sputnik Արմենիա, 1920, 05.04.2021
ՀՀ նախկին նախագահը ներկայացրել է Հայաստանի նկատմամբ Թուրքիայի ներկայիս ու պատմական սպառնալիքները:

ԵՐԵՎԱՆ, 5 ապրիլի – Sputnik. Հայաստանի ամենամեծ սպառնալիքը գալիս է Թուրքիայից: ՀՀ նախկին նախագահ Ռոբերտ Քոչարյանը նման տեսակետ է հայտնել ռուսական Առաջին ալիքի «Պոզներ» հաղորդման եթերում՝ պատասխանելով հարցին, թե ներկա պահին ո՞րն է Հայաստանի համար ամենամեծ սպառնալիքը:

Роберт Кочарян - Sputnik Արմենիա, 1920, 05.04.2021
Ռուսաստանը դավաճանե՞լ է Հայաստանին. Քոչարյանի պատասխանը՝ Պոզների հարցին

«Սպառնալիքը մեր նկատմամբ էքզիստենցիալ է, պատմական, այն այդպես է ընկալվում հայերի կողմից, և մենք թուրքերի կողմից ևս ընկալվում ենք որպես սպառնալիք: Սրանով էլ բացատրվում են փակ սահմանները, դիվանագիտական հարաբերությունների բացակայությունը»,- ասել է Քոչարյանը:

Երկրորդ նախագահը նշել է, որ սպառնալիքը արտահայտվում է նրանով, որ սահմանների բացման դեպքում Թուրքիան ամեն ինչ կանի, որ Հայաստանը վերածի Աջարիայի պես մի բանի՝ բիզնեսում, տնտեսության մեջ իր ներկայության իմաստով:

«Ես այստեղ հստակ սպառնալիք եմ տեսնում»,- ասել է Քոչարյանը:

Նա նաև շեշտել է, որ Հայաստանի պատմական կողմնորոշումը դեպի Ռուսաստան նյարդայնացնում է ոչ միայն Թուրքիային, այլև ամերիկացիներին ու շատ-շատերին: Սրանով է Քոչարյանը բացատրում նաև այն հանգամանքը, որ Հայաստանում ակտիվորեն աշխատում են պարտված պատերազմում Ռուսաստանին մեղադրող ուժերը:

 

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала