ԵՐԵՎԱՆ, 11 ապրիլի – Sputnik. Բիոհաքինգը կարող է օգուտ տալ օրգանիզմին, եթե այն օգտագործվի խելացի կերպով և բժշկի հսկողության ներքո։ ՌԻԱ Նովոստիին այս մասին ասել է բարձրագույն կարգի բժիշկ-թերապևտ, Մոսկվայի առողջապահության դեպարտամենտի բժշկական կազմակերպությունների գործունեության համակարգման տեսչության տնօրեն, «Բիոհաքվածը» գրքի հեղինակ Ալեքսեյ Բեզիմյաննին։
«Բիոհաքինգը բժկության ուղղություններից մեկն է, ընկած է բժշկության միջկարգապահական մոտեցման, դեղագործության, սպորտի հատման կետում։ Այն մեզ մոտ եկել է ԱՄՆ-ից, երբ Սիլիկոնային հովտի ստարտափերները որոշեցին իրենց վրա փորձարկել առողջության լավացման, արդյունավետության և դիմացկունության բարձրացման զանազան տեխնոլոգիաները»,–ասել է Բեզիմյաննին։
Նա նշել է, որ եթե ցանկացած ոչ բժշկական ուղղության (այդ թվում՝ բիոհաքինգին) խելացի կերպով և բժշկի հսկողությամբ մոտենանք, դա անկասկած օգտակար է, քանի որ տեղեկատվական ռեսուրսների, նյութերի, ուղղությունների միջոցով ցանկացած շեշտադրում օգտակար կլինի սեփական օրգանիզմի, օրգանիզմի առանձնահատկությունների խորքային ուսումնասիրության առումով։
«Առհասարակ՝ որպեսզի մարդը ոչ միայն բժիշկներից իմանա, թե ինչ է տեղի ունենում իր օրգանիզմի հետ, այլև ինքն էլ իմանա` ինչպես արձագանքել, եթե ինչ-որ բան այն չէ»,-հավելել է նա։
Մասնագետի խոսքով` մեծ թվով բժիշկներ բիոհաքինգն օգտագործում են բուժառուների համար վաղ ախտորոշում կատարելու և առողջության կառավարման ծրագիր մշակելու համար։
«Փաստացի, բիոհաքինգը պատճառ է դարձել, որ երիտասարդ, ակտիվ, խելացի բնակչությունը դիմի բժիշկներին առաջին հերթին ախտորոշման համար, քանի որ մարդիկ սկսել են արդեն երիտասարդ տարիքում գումար վաստակել իրենց մտավոր աշխատանքով և հասկացել են, որ ուզում են խելացիորեն մոտենալ ոչ միայն փող աշխատելուն, այլև սեփական առողջությանը»,-ասել է բժիշկը։
Հենց այստեղ է, որ նրանց օգնության է հասել բիոհաքինգը՝ որպես առողջության բարելավման տեխնոլոգիաներից մեկը։
Շներով յոգա. թուլանալու և ճիշտ շնչելու գաղտնիքը բացահայտվել է Լոնդոնում. տեսանյութ
