Ռուսաստանում ակնկալում են, որ Հայաստանում արդար ընտրություններ կլինեն. Մատվիենկո

© Photo : press office of the Parliament of RAВстреча председателей НС Армении Арарата Мирзояна и Совета Федерации РФ Валентины Матвиенко (21 ноября 2019). Санкт-Петербург
Встреча председателей НС Армении Арарата Мирзояна и Совета Федерации РФ Валентины Матвиенко (21 ноября 2019). Санкт-Петербург - Sputnik Արմենիա, 1920, 15.04.2021
Բաժանորդագրվեք
ՌԴ Դաշնային խորհրդի նախագահ Վալենտինա Մատվիենկոն ևս մեկ անգամ ընդգծել է, որ Հայաստանը Ռուսաստանի համար դաշնակից և գործընկեր պետություն է:

ԵՐԵՎԱՆ, 15 ապրիլի - Sputnik. Ռուսաստանում ակնկալում են, որ Հայաստանում կայանալիք արտահերթ խորհրդարանական ընտրությունները կանցնեն բաց, ժողովրդավարական եղանակով և կկայունացնեն երկրում ստեղծված իրավիճակը։ Այս մասին հայտարարել է Դաշնության խորհրդի նախագահ Վալենտինա Մատվիենկոն ՀՀ Ազգային ժողովի նախագահ Արարատ Միրզոյանի հետ հանդիպման ժամանակ։

«Առջևում Հայաստանի համար կարևորագույն իրադարձություն է արտահերթ ընտրությունները։ Լիահույս ենք, որ, չնայած բոլոր դժվարություններին, ընտրությունները կլինեն ազատ, ժողովրդավարական և կնպաստեն Հայաստանի հասարակական, սոցիալ-տնտեսական իրադրության կայունացմանը», — հայտարարել է Մատվիենկոն:

Премьер-министр Никол Пашинян выступает в Парламенте с докладом о результатах проделанных работ 2020 (14 апреля 2021). Еревaн - Sputnik Արմենիա, 1920, 14.04.2021
Փաշինյանը հայտնեց, թե երբ հրաժարական կտա, ու որ դեպքում արտահերթ ընտրություններ չեն կայանա

ՌԴ Դաշնության խորհրդի նախագահն ընդգծել է, որ Հայաստանը Ռուսաստանի համար դաշնակից ու գործընկեր է պետություն է։ «Մեր հարաբերությունները զարգանում են` անկախ որևէ հանգամանքից», — հայտարարել է նա՝ հիշեցնելով, որ Հայաստանն առաջիններից մեկն է ստացել կորոնավիրուսի դեմ ռուսական պատվաստանյութը:

«Կարծում եմ՝ ՛և Ռուսաստանը, և՛ Հայաստանն անցել են այդ շրջանը շատ ավելի քիչ կորուստներով, քան այլ երկրներ։ Այդ բարդ ժամանակաշրջանում մեր համագործակցությունն ապացուցել է իր արդյունավետությունը», — ասել է Մատվիենկոն։

Նշելով, որ Ռուսաստանի, Հայաստանի և Ադրբեջանի ղեկավարների համաձայնության շնորհիվ հաջողվել է կանգնեցնել պատերազմը Լեռնային Ղարաբաղում` նա ասել է, որ այժմ անհրաժեշտ է աստիճանաբար, քայլ առ քայլ լուծել այդ ուղղությամբ մնացած հարցերը:

«Հիմա կարևոր է ձեռնպահ մնալ կտրուկ հայտարարություններից, աջակցել այն խաղաղությանը, որը ստեղծվել է և գնալ դեպի հետագա կարգավորում։ Դա անհրաժեշտ է տարածաշրջանային բոլոր պետություններին, ոչ միայն Հայաստանին ու Ադրբեջանին։ Խաղաղությունն այս տարածաշրջանում ամենակարևորն է», — ասել է Մատվիենկոն:

Նորահայտ մարդ–կուսակցությունները. քաղաքագետն ասաց` որն է նրանց դերը ընտրություններում

Հիշեցնենք՝ մարտի 18-ին վարչապետ Նիկոլ Փաշինյանը հայտարարեց, որ հունիսի 20-ին Հայաստանում ԱԺ արտահերթ ընտրություններ կկայանան: Ավելի ուշ Ազգային ժողովը հաստատեց Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան միայն համամասնական ընտրակարգով։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала