ԵՐԵՎԱՆ, 16 ապրիլի - Sputnik. Բանակի փոփոխության հետ կապված ամեն ինչ քննարկվում է Ռուսաստանի հետ։ Ազգային ժողովում լրագրողների հետ զրույցում ասաց պաշտպանության փոխնախարար Արման Սարգսյանը։
ՀՀ պաշտպանության նախարար Վաղարշակ Հարությունյանը փետրվարի 22-ին ՌԻԱ Նովոստիի հետ զրույցում ասել էր` պատերազմից հետո Հայաստանում ռազմական ռեֆորմներ են անցկացվում, ընդ որում՝ տվյալ գործընթացում անմիջականորեն ներգրավված են ռուս գործընկերները։
Երբ լրագրողներն այսօր հետաքրքրվեցին Սարգսյանից, թե մասնավորապես ինչն է քննարկվում ՌԴ-ի հետ, պաշտպանության փոխնախարարը շեշտեց. «Ամեն ինչ»։
Լրագրողները նաև հարց ուղղեցին փոխնախարարին, թե գերիների խնդիրն ինչպես է լուծելու։
«Գերիների հարցը կլուծվի հօգուտ Հայաստանի Հանրապետության»,–ի պատասխան ասաց Սարգսյանը։
Հիշեցնենք, որ ոչ պաշտոնական տվյալներով` մոտ 200 ռազմագերի կա Ադրբեջանում, բայց Ադրբեջանը խոսում է միայն 72–ի մասին, որոնց վերադարձրել է հայրենիք։