Հայաստանի ֆուտբոլի ֆեդերացիան և նախագահ Արմեն Մելիքբեկյանը դատի են տվել Էդմոն Մարուքյանին

© Sputnik / Asatur YesayantsБрифинг новоизбранного президента Федерации футбола Армении Армена Меликбекяна после внеочередного заседания ФФА (23 декабря 2019). Еревaн
Брифинг новоизбранного президента Федерации футбола Армении Армена Меликбекяна после внеочередного заседания ФФА (23 декабря 2019). Еревaн - Sputnik Արմենիա, 1920, 16.04.2021
Բաժանորդագրվեք
Yandex newsTelegram
ՀՖՖ–ն ու Մելիքբեկյանն այս քաղաքացիական հայցի դիմաց 44 000 դրամ պետտուրք են վճարել ու Մարուքյանից նաև դրամական փոխհատուցում պահանջել։

ԵՐԵՎԱՆ, 16 ապրիլի – Sputnik. Հայաստանի ֆուտբոլի ֆեդերացիան և ՀՖՖ նախագահ Արմեն Մելիքբեկյանը դիմել են ՀՀ քաղաքացիական դատարան` հայց ներկայացնելով ՀՀ Ազգային ժողովի «Լուսավոր Հայաստան» խմբակցության ղեկավար Էդմոն Մարուքյանի դեմ։

Դատական տեղեկատվական համակարգում առկա այս տեղեկությունը Sputnik Արմենիայի թղթակցի հետ զրույցում հաստատեց նաև Մելիքբեկյանի ու ՀՖՖ շահերի ներկայացուցիչ Կարեն Մնացականյանը` հավելելով, որ հայցը պայմանավորված է մարտի 17-ին Facebook-ում Մարուքյանի ուղիղ եթերում արված հայտարարություններով։

Проигравший выборы президента Федерации футбола Армении Товмас Григорян вышел к журналистам после объявления итогов голосования на внеочереднм заседании ФФА (23 декабря 2019). Еревaн - Sputnik Արմենիա, 1920, 17.03.2021
Սկանդալ, որ պտտվում է «Լոռիի» շուրջ. ինչո՞ւ ակումբը լքեց առաջնությունը

 «Հայցի իմաստը կայանում է նրանում, որ պարոն Մարուքյանի տեսաուղերձի բովանդակության մեջ առկա են եղել արտահայտություններ, որոնք պարունակում են զրպարտության հատկանիշներ»,– ասաց Մնացականյանը։

Հիշեցնենք` Հայաստանի առաջնությունը լքելու «Լոռի» ֆուտբոլայի ակումբի որոշման մասին խոսելիս` Մարուքյանը այն որակել էր որպես ակումբի հանդեպ ՀՖՖ ղեկավարության մակարդակով ապօրինություն։

ՀՖՖ փաստաբանը չհերքեց, որ ֆեդերացիան ու նախագահ Արմեն Մելիքբեկյանը Մարուքյանից այս ուղերձում հնչած արտահայտությունների դիմաց նաև նյութական փոխհատուցում են պահանջել, բայց չցանկացավ բացահայտել, թե որքան։

«Դա արդեն դատական նիստի ընթացքում կտեսնեք»,– ասաց նա։

Նշենք, որ փոխհատուցման պահանջը հրապարակված չէ նաև դատական տեղեկատվական համակարգում հրապարակված տեղեկատվության մեջ։

«Անհեռանկար և սխալ քայլ է». ՀՖՖ նախագահը` «Լոռի» ՖԱ-ի առաջնությունը լքելու մասին

Այստեղ միայն նշված է, որ ՀՖՖ–ն ու կառույցի նախագահը դիմել են քաղաքացիական դատարան` «զրպարտություն պարունակող ոչ հավաստի փաստական տվյալները հրապարակայնորեն հերքելուն պարտադրելու, ինչպես նաև պատվին, արժանապատվությանը և գործարար համբավին պատճառված ոչ նյութական վնասը հատուցելու համար»։

Նշենք նաև, որ ՀՖՖ–ն ու Մելիքբեկյանն այս քաղհայցի դիմաց 44 000 դրամ պետտուրք են վճարել։

Դատական գործն ընդունվել է վարույթ, մակագրվել Երևան քաղաքի դատարանի դատավոր Լիլիթ Տիգրանի Սարգսյանին։

Դատական գործընթացի մեկնարկի օրը դեռ նշանակված չէ։

Լրահոս
0