ԵՐԵՎԱՆ, 24 ապրիլի - Sputnik. Այսօր Ազատության հրապարակից ջահերով երթի ընթացքում ոստիկանները բերման են ենթարկել երիտասարդներից մեկին, երեկ դատախազության մոտ տեղի ունեցած բողոքի հավաքի մասնակից լինելու կասկածանքով։ Տեղեկությունը Facebook-ի իր էջում գրել է ՀՅԴ–ական Գեղամ Մանուկյանը։
«Բա որ ասում եմ` թուրքեր կան հենց Երևանում։ Նիկոլի ծառաներ, չեք մարսելու»,– գրել է նա։
Քիչ առաջ ավարտվեց ՀՅԴ երիտասարդական միության անդամների կողմից Երևանի Ազատության հրապարակից մեկնարկած ջահերով երթը։
Հիշեցնենք`երեկ դատախազության մոտ տեղի ունեցած բողոքի ակցիայի դեպքերով քրեական գործ է հարուցվել։
16 սյունեցի էր բերման ենթարկվել, որոնք կասկածվում են վարչապետ Նիկոլ Փաշինյանի` Սյունիք կատարած այցի ընթացքում խուլիգանություն կատարելու մեջ։ Ի պաշտպանություն ձերբակալվածների` դատախազության առջև բողոքի ակցիա եղավ, որի ժամանակ էլ հրմշտոց սկսվեց ոստիկանների և բողոքի ակցիա անողների միջև։