ԵՐԵՎԱՆ, 27 ապրիլի -Sputnik. Հայաստանում ահաբեկչության ֆինանսավորման ռիսկը համարվում է ցածր, փողերի լվացման ռիսկը` միջինից ցածր։ Այս մասին այսօր ԱԺ Ֆինանսավարկային և բյուջետային հարցերի մշտական հանձնաժողովի նիստում հայտնեց ՀՀ ԿԲ փոխնախագահ Ներսես Երիցյանը` վկայակոչելով ռիսկերի ազգային գնահատման համակարգի մեթոդաբանությամբ կատարված վերլուծության արդյունքները։
«Մի 18 կատեգորիաների միջոցով գնահատվում ու վերլուծվում են այդ ռիսկերը լուրջ մեթոդաբանության հիման վրա` կախված նախորդող հանցագործություններից, դրանց միջազգային տարածվածությունից և ՀՀ տարբեր տեսակի կապերից ելնելով։ Այս գնահատականներով Հայաստանում, միջազգային համադրումներով, բարվոք վիճակ է»,– ասաց Երիցյանը։
Այդուհանդերձ, Հայաստանը խստացնում է Փողերի լվացման և ահաբեկչության ֆինանսավորման դեմ պայքարին վերաբերող օրենսդրությունը։
Գագիկ Խաչատրյանի որդուն մեղադրանք չի առաջադրվել փողերի լվացման համար. պաշտպաններ
Համապատասխան օրենքում կառավարության առաջարկած փոփոխություններն այսօր քննարկվել են ԱԺ Ֆինանսավարկային և բյուջետային հարցերի մշտական հանձնաժողովի նիստում ու առաջիկայում կընդգրկվեն ԱԺ նիստերի օրակարգում։
ՀՀ ԿԲ փոխնախագահ Ներսես Երիցյանը հայտնեց, որ փոփոխությունը պայմանավորված է ԵԽ–ի Մանիվալի` փողերի լվացման և ահաբեկչության ֆինանսավորման հակազդման հանձնախմբի կղմից Հայաստանին տրված հանձնարարականներով։
Բանկային գաղտնիքը չի օգնի. ԱԺ–ն փողերի լվացման դեմ նախագիծ է քննարկում