ՀՀ և ՌԴ անվտանգության խորհուրդների քարտուղարները ստորագրել են համագործակցության պլանը

© Photo : Areg Kochinyan / official site of the Security Council of ArmeniaВстреча секретарей Совета безопасности Армении и России Армена Григоряна и Николая Патрушева (13 августа 2019). Еревaн
Встреча секретарей Совета безопасности Армении и России Армена Григоряна и Николая Патрушева (13 августа 2019). Еревaн - Sputnik Արմենիա, 1920, 28.04.2021
Բաժանորդագրվեք
НовостиTelegram
Արմեն Գրիգորյանն ու Նիկոլայ Պատրուշևը առաջիկայում փոխադարձ այցերի իրականացման վերաբերյալ պայմանավորվածություն են ձեռք բերել։

ԵՐԵՎԱՆ, 28 ապրիլի – Sputnik. Տաջիկստանի մայրաքաղաք Դուշանբեում ընթացող ՀԱՊԿ անվտանգության խորհուրդների քարտուղարների կոմիտեի նիստի շրջանակներում ՀՀ ԱԽ քարտուղար Արմեն Գրիգորյանն ապրիլի 28-ին հանդիպել է ՌԴ ԱԽ քարտուղար Նիկոլայ Պատրուշևին:

Секретарь совета безопасности РА Армен Григорян с генеральным директором Госкорпорации Роскосмос Дмитрием Рогозиным в Москве - Sputnik Արմենիա, 1920, 27.04.2021
Ռուսաստանը և Հայաստանը կհամագործակցեն տիեզերական տեխնոլոգիաների մշակման հարցում

Ինչպես տեղեկացնում է ՀՀ անվտանգության խորհրդի գրասենյակը, կողմերն ընդգծել են Հայաստանի և Ռուսաստանի առաջնորդների առանձնահատուկ հարաբերությունները և ինտենսիվ շփումները: Երկուստեք կարևորվել է Հայաստանի և Ռուսաստանի պաշտպանական գերատեսչությունների և հատուկ ծառայությունների գծով փոխգործակցության զարգացումը:

«Անվտանգային միջավայրի ապահովման համատեքստում Արմեն Գրիգորյանը անդրադարձավ հայկական Զինված ուժերում ընթացող լայնածավալ բարեփոխումներին, այս հարցում կարևորելով երկու երկրների Զինված ուժերի փոխշահավետ համագործակցությունը, հաշվի առնելով հարաբերությունների ռազմավարական և դաշնակցային բնույթը»,– նշված է հաղորդագրության մեջ:

Նիկոլայ Պատրուշևն իր հերթին կարևորել է Լեռնային Ղարաբաղում ռուսական խաղաղապահ ուժերի գործունեությունը, որի շնորհիվ հնարավոր է դառնում բնականոն կյանքի վերականգնումը Լեռնային Ղարաբաղում: Նա նաև ընդգծել է տարածաշրջանային ենթակառուցվածքների զարգացման անհրաժեշտությունը։

Հանդիպման ընթացքում հաստատվել է Հայաստանի և Ռուսաստանի անվտանգության խորհուրդների գրասենյակների միջև 2021-2022 թթ. համագործակցության պլանը:

Հանդիպման ավարտին կողմերը պայմանավորվածություն են ձեռք բերել առաջիկայում փոխադարձ այցերի իրականացման վերաբերյալ:

Լրահոս
0