ԵՐԵՎԱՆ, 29 ապրիլի - Sputnik. Հայաստանում կորոնավիրուսի դեմ պատվաստված քաղաքացիները այլևս կարիք չեն ունենա ՊՇՌ թեստ հանձնել Հայաստանից մեկնելու կամ Հայաստան ժամանելու համար: Այսօր լրագրողների հետ զրույցում տեղեկությունը հայտնեց ՀՀ առողջապահության նախարարի պաշտոնակատար Անահիտ Ավանեսյանը։
Նրա խոսքով՝ հաջորդ շաբաթ փոփոխություն է լինելու կարանտինի որոշման մեջ։
«Պատվաստումները կարևոր քայլ են սահմանափակումներից ձերբազատվելու և բնականոն կյանք վերադառնալու համար», - ասաց նախարարը:
Հիշեցնենք, որ այս պահի դրությամբ 18-ից բարձր բոլոր քաղաքացիները կարող են պատվաստվել կորոնավիրուսի դեմ՝ դիմելով տեղամասային պոլիկլինիկա:
Փաշինյանը հանձնարարեց, որ կառավարության նիստին ներկա բոլոր անձինք պատվաստվեն
Նրանց համար հասանելի են «AstraZeneca» և «Սպուտնիկ V» պատվաստանյութերը, բայց մոտ ապագայում սպասվում է նաև չինական պատվաստանյութի մեծ խմբաքանակ, ինչպես նաև բանակցություններ են վարվում այլ պատվաստանյութեր ձեռք բերելու մասին:
