«Լուսավոր Հայաստանն» առաջարկում է ստեղծել ռազմագիտական կենտրոն. իշխանությունը դեմ է

© Sputnik / Asatur YesayantsДепутат от фракции "Просвещенная Армения" Геворг Горгисян во время внеочередного заседания Парламента Армении (26 ноября 2020). Еревaн
Депутат от фракции Просвещенная Армения Геворг Горгисян во время внеочередного заседания Парламента Армении (26 ноября 2020). Еревaн - Sputnik Արմենիա, 1920, 29.04.2021
Բաժանորդագրվեք
Ռազմաարդյունաբերական համալիրին կից ստեղծվող գիտական կենտրոնին առաջարկվում էր համագործակցել բուհերի հետ և ռազմական արդյունաբերության ոլորտում օգտագործել ուսանողների գիտական ներուժը:

ԵՐԵՎԱՆ, 29 ապրիլի - Sputnik. «Լուսավոր Հայաստան» խմբակցությունն օրենսդրական առաջարկություն է արել` ստեղծել գիտական կենտրոն` բանակի կարիքների, մասնավորապես` ժամանակակից ռազմական արտադրանք ստեղծելու նպատակով։

Ինչպես այսօր ԱԺ Պաշտպանության խորհրդարանական հանձնաժողովի նիստում նախագիծը ներկայացնելիս ասաց «Լուսավոր Հայաստան» խմբակցության անդամ Գևորգ Գորգիսյանը, Ռազմաարդյունաբերական համալիրին կից ստեղծվող գիտական կենտրոնը, ըստ նախագծի, պետք է համագործակցի ՀՀ առաջատար բուհերի հետ և ռազմական արդյունաբերության ոլորտում օգտագործի ուսանողների գիտական ներուժը:

Министр обороны РА Вагаршак Арутюнян принял Чрезвычайного и Полномочного Посла Индии в Армении Кишана Дана Девала (26 апреля 2021). Еревaн - Sputnik Արմենիա, 1920, 26.04.2021
Հայ-հնդկական ռազմական համագործակցություն. նախարարն ընդունել է Հնդկաստանի դեսպանին

«Այն իրականացնելու է բանակի և պետության կարիքները` ելնելով գիտական հետազոտական ծրագրերից», - ասաց Գորգիսյանը:

Միևնույն ժամանակ այն ուսանողները, ովքեր համալսարան ընդունվելիս կստորագրեն համապատասխան պայմանագիր, որով կպարտավորվեն  իրենց գիտական ներուժն օգտագործել ի շահ բանակի, պարտադիր զինծառայությունից տարկետում կստանան։

«Լուսավոր Հայաստանի» համոզմամբ` այդպիսով կստեղծվի արդյունավետ հարթակ՝ ՀՀ ողջ գիտական ներուժն ի շահ բանակի ու պետության օգտագործելու համար:

Իշխող «Իմ քայլը» խմբակցության պատգամավորները, սակայն,  չսատարեցին ընդդիմադիր գործընկերների առաջարկը՝  նշելով, որ գաղափարը ողջունելի է, բայց ոչ կիրառելի։

Ռուսաստանը ռազմական ծախսերի գծով առաջին հնգյակում է. միտումները` աշխարհում և ԱՊՀ–ում

Հայաստանի պաշտպանության փոխնախարար Արման Սարգսյանը նույնպես դեմ արտահայտվեց։ Նա հիշեցրեց, որ Հայաստանի զինված ուժերի շրջանակներում արդեն գործում է գիտական ընկերություն և որ նոր կառույց ստեղծելու անհրաժեշտություն չկա:

Արդյունքում` հանձնաժողովը դեմ քվեարկեց ընդդիմության օրենսդրական առաջարկին։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала