ԵՐԵՎԱՆ, 29 ապրիլի – Sputnik․ Ավտովթար է տեղի ունեցել Ստեփանակերտ-Սզնեք ավտոճանապարհի 20-րդ կիլոմետրին։ Կա տուժած։ Տեղեկությունը հայտնում է Արցախի արտակարգ իրավիճակների պետական ծառայության մամուլի բաժինը։
«ԱՀ քաղաքացի Ա.Ս.-ն իր վարած «Mercedes Benz» ավտոմեքենայով ադրբեջանական բեռնատար մեքենաների շարասյան մոտով անցնելիս դուրս է եկել երթևեկելի գոտուց դեպի աջ և կողաշրջվել»,- ասվում է հաղորդագրության մեջ։
Նշվում է, որ վարորդին առաջին օգնություն են ցուցաբերել ավտոշարասյունն ուղեկցող ռուս խաղաղապահները։ Այնուհետև նրան շտապօգնության մեքենայով տեղափոխել են Ստեփանակերտի հանրապետական բժշկական կենտրոն: Բարեբախտաբար, վարորդը թեթև վնասվածքներ է ստացել։ Նրա առողջական վիճակը գնահատվում է բավարար:
ԱՀ ՆԳ նախարարության ոստիկանության ծառայողների կողմից կատարվում է քննություն:
Ստուգմամբ զբաղվում է ոստիկանության Ասկերանի շրջանային բաժինը:
Ռուս խաղաղապահները 75 ուխտավորի են ուղեկցել դեպի Ամարասի վանք
