Կորոնավիրուսային համավարակի կարանտինի սահմանափակումներից մի քանիսը հանվեցին

© AP Photo / PIERRE-PHILIPPE MARCOUУченый обрабатывает образцы ПЦР-тестов на коронавирус в микробиологической лаборатории больницы Грегорио Маранон в Мадриде
Ученый обрабатывает образцы ПЦР-тестов на коронавирус в микробиологической лаборатории больницы Грегорио Маранон в Мадриде - Sputnik Արմենիա, 1920, 06.05.2021
Բաժանորդագրվեք
Կորոնավիրուսի դեմ պատվաստված անձինք Հայաստան մուտք կգործեն առանց ՊՇՌ թեստ հանձնելու։

ԵՐԵՎԱՆ, 6 մայիսի – Sputnik. Կորոնավիրուսի դեմ կրկնակի պատվաստման հավատագիր ներկայացնող անձինք կկարողանան Հայաստան մուտք գործել առանց ՊՇՌ թեստ հանձնելու։

Логотип Moderna Therapeutics над штаб-квартирой, которая разрабатывает вакцину против коронавирусной болезни (18 мая 2020). Кембридж - Sputnik Արմենիա, 1920, 06.05.2021
«Moderna»-ն ճանաչվել է կորոնավիրուսի դեմ աշխարհի լավագույն պատվաստանյութ

Այս մասին այսօր ՀՀ կառավարության նիստում հայտարարեց ՀՀ առողջապահության նախարարի պաշտոնակատար Անահիտ Ավանեսյանը` ներկայացնելով կարանտինի սահմանափակումների մասին 2020թ–ին ընդունված որոշման մեջ փոփոխություններ կատարելու որոշման նախագիծը։

«Այսինքն` ՊՇՌ թեստի բացասական արդյունքն ու պատվաստման կանաչ անձնագիրը հավասարապես կգործեն որպես մեր երկրի սահմանի հատման պահանջ»,– ասաց Ավանեսյանը` հատուկ ընդգծելով, որ այս փոփոխությունը վերաբերում է բացառապես ՀՀ մուտք գործողներին, իսկ Հայաստանից այլ երկիր մեկնելու համար գործում են տվյալ երկրում ընդունված պահանջները։

Նշենք, որ պատվաստման սերտիֆիկատով մուտքի իրավունքն այսօր գործում է արդեն Իսլանդիայում, Իսրայելում, Էստոնիայում, Լեհաստանում, Լիտվայում, Սան Մարինոյում, Վրաստանում, Ռումինիայում, Սլովենիայում, Նորվեգիայում, Չեռնոգորիայում:

Մի շարք երկրներ էլ, օրինակ, Դանիան, Շվեդիան, Հունգարիան, Հունաստանը, Իսպանիան, Սերբիան նախատեսում են կիրառել միջազգային ճանապարհորդների համար COVID-19-ի դեմ պատվաստումը հավաստող փաստաթղթի պահանջ։

425 նոր դեպք, 14 մահ` մեկ օրում. կորոնավիրուսային հիվանդության ընթացքը Հայաստանում

Անահիտ Ավանեսյանը հայտնեց, որ կառավարությունը վերանայել է նաև մինչև 1 տարեկան երեխաների համար գործող սահմանափակումները։ «Նրանց համար երկիր մուտք գործելու ՊՇՌ թեստավորման պահանջը հանել ենք, քանի որ հիմա ճանապարհորդելու սեզոնը բացվում է, և ուսումնասիրություններ անելով հանգեցինք եզրակացության, որ եթե ընտանիքի այլ անդամների մոտ թեստը բացասական է, ապա շատ մեծ է հավանականությունը, որ մինչև 1 տարեկան երեխան այլոց հետ չի շփվում և նրա թեստի արդյունքը բացաական կլինի»,– ասաց Ավանեսյանը։

Կառավարությունը հաստատեց որոշումը։ Այն ուժի մեջ կմտնի պաշտոնական հրապարակման օրվան հաջորդող տասներորդ օրը:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала