Մայիսի 10-ից Երևանի մանկապարտեզներում կվերսկսվի ընդունելությունը

© Sputnik / Andranik GhazaryanДетский сад общины Айгепар Тавушской области
Детский сад общины Айгепар Тавушской области - Sputnik Արմենիա, 1920, 08.05.2021
Բաժանորդագրվեք
Քաղաքապետարանը ՀՀ առողջապահության նախարարությանը դեռ մարտին էր առաջարկել մեղմացնել սահմանափակումը։

ԵՐԵՎԱՆ, 8 մայիսի – Sputnik. Մայիսի 10-ից Երևանի քաղաքապետարանի ենթակայությամբ գործող մանկապարտեզներում կվերսկսվի երեխաների ընդունելությունը: Տեղեկությունը Facebook-ի իր էջում հայտնել է քաղաքապետի մամուլի խոսնակ Հակոբ Կարապետյանը։

Նա տեղեկացրել է, որ առողջապահության նախարարի պաշտոնակատարի հրամանով վերացվել են մանկապարտեզների խմբերում երեխաների թվին ու հեռավորությանը վերաբերող սահմանափակումները:

Մանկապարտեզներ կրկին հաճախելու հնարավորություն կունենան

  • այն երեխաները, որոնք նախկինում հաճախել են համայնքային մանկապարտեզներ, բայց սահմանափակումների բերումով նախադպրոցական կրթությունն ընդհատվել է,
  • հիմնանորոգման պատճառով ժամանակավորապես փակված մանկապարտեզներ հաճախող երեխաները, որոնք ծնողների համաձայնությամբ կհամալրեն այլ մանկապարտեզների խմբերը՝ ըստ հնարավորության,
  • հերթագրված երեխաները։

Հիշեցնենք՝ դեռ մարտին Երևանի քաղաքապետ Հայկ Մարությանը Facebook-ի իր էջում գրառում էր արել՝ նշելով, որ հենց առողջապահության նախարարությունը վերացնի սահմանափակումները, Երևանի մանկապարտեզները անմիջապես կընդունեն մոտ 7000 երեխա։ Առողջապահության նախարարությունն արձագանքել էր քաղաքապետի գրառմանը։ Հայտարարության մեջ նշվում էր, որ ելնելով հունվարին ՀՀ-ում համաճարակային կայուն իրավիճակից՝ նախարարությունում քննարկում է կազմակերպվել քաղաքապետարանի և ԿԳՄՍ նախարարության հետ: Արդյունքում կատարվել են սահմանափակումները մեղմացնող փոփոխություններ։ Երևանի քաղաքապետարանի կողմից մարտի 1-ին են ներկայացվել ընդունելության սահամանափակումների մեղմացման վերաբերյալ լրացուցիչ առաջարկություններ։ Դրանք դեռևս քննարկման փուլում են:

Նախարարությունը հավելել էր, որ անվտանգության կանոններ սահմանելով` հաշվի է առնվում երեխայի առողջության անվտանգության ապահովման խնդիրը, իսկ անվտանգության կանոններն ինչպես ամբողջ աշխարհում, այնպես էլ ՀՀ-ում, սահմանվում են Առողջապահության համաշխարհային կազմակերպության առաջարկների հիման վրա:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала