Մարտակերտ-Վարդենիս ճանապարհի բացման բանակցությունները շարունակվում են

© Sputnik / Aram NersesyanГерой Арцаха генерал-майор Виталий Баласанян
Герой Арцаха генерал-майор Виталий Баласанян - Sputnik Արմենիա, 1920, 09.05.2021
Բաժանորդագրվեք
ԱԽ քարտուղարը կարծում է, որ ճանապարհը կբացվի, իսկ Արցախի արտգործնախարարը նշում է անվտանգության հարցը։

ԵՐԵՎԱՆ, 9 մայիսի – Sputnik. Մարտակերտից Վարդենիս տանող ճանապարհի բացման շուրջ բանակցությունները շարունակվում են, Sputnik Արմենիայի թղթակցին ասել է Արցախի Անվտանգության խորհրդի քարտուղար Վիտալի Բալասանյանը։

Житель Мартакертского района Карабаха сириец Акоп Кошкарян  - Sputnik Արմենիա, 1920, 04.05.2021
Սիրիահայը Մարտակերտն ազատագրում էր դեռ 90-ականներին. այսօր նրան ուզում են վտարել տնից

«Մենք այդ հարցը բարձրացրել ենք, ընդհուպ մինչև այնտեղ, որ քաղաքացիները ճանապարհ էին փակել Դրմբոնում։ Այդ ուղղությամբ աշխատանքները շարունակվում են, և խաղաղապահ ուժերը բանակցություններ են վարում։ Այս պահին դրանք ավարտված չեն։ Այն պետք է ապառազմականացված լինի, որպեսզի հնարավոր լինի երթևեկել Մարտակերտ-Չարեքթար-Սոթք-Վարդենիս ճանապարհով»,-ասաց Բալասանյանը։

Ճիշտ նույն կերպ, ինչպես ադրբեջանցիներն են երթևեկում և բեռներ են անցնում Կարմիր Շուկայից մինչև Շուշի և Մատաղիսից Քարվաճառ։

«Նույնը պետք է լինի նաև մեր դեպքում։ Բանակցություններն ուժի մեջ են։ Ես վստահ եմ, որ այդպես էլ կլինի»,-ասաց Բալասանյանը։

Իր հերթին Լեռնային Ղարաբաղի արտաքին գործերի նախարար Դավիթ Բաբայանը, մեկնաբանելով ճանապարհի բացման հնարավորությունը, Sputnik Արմենիային ասաց, որ ցանկացած նախաձեռնություն պետք է բազմակողմանի գնահատել։

«Մարտակերտից Վարդենիս ավելի կարճ է, բայց շատ ավելի վտանգավոր։ Ճանապարհն ավելի երկար է, և եթե վաղը, Աստված չանի, մեկի գլխից մի մազ պակասի, շատ ավելի մեծ խնդիրներ կառաջանան։ Ենթադրենք՝ Քարվաճառի միջով ճանապարհ աշխատեց, բայց ի՞նչ կլինի, եթե նրանք (ադրբեջանցիները՝ խմբ․) հարձակվեն»,-ասաց Բաբայանը։

Վարդենիս–Մարտակերտ ճանապարհը կբացվի՞. ՀՀ փոխվարչապետի գրասենյակի մեկնաբանությունը

Նրա խոսքով՝ ճանապարհներն, իհարկե, պետք է ապաշրջափակվեն, բայց պետք է իրատես լինել։ Պետք չէ այդ հարցին զգացմունքային մոտեցում ցուցաբերել, և հարկավոր է խուսափել սադրանքներից։

Առայժմ, նրա խոսքով, այդ ուղղությամբ հստակ քայլեր չկան, պետք է բազմաթիվ գործոններ հաշվի առնել։

«Ես հանդես եմ գալիս այն տեսանկյունից, որ մենք այս կամ այն քայլն անենք բացառապես անվտանգության հարցերը հաշվի առնելով»,-ասաց Բաբայանը։

2021թ․-ի հունվարին Մարտակերտի շրջանի տարբեր գյուղերի բնակիչներ փակել էին ադրբեջանական մեքենաների շարասյան ճանապարհը, որոնց ուղեկցում էին ռուս խաղաղապահները։ Ցույցի մասնակիցները դիմեցին խաղաղապահներին՝ խնդրելով աջակցել Ադրբեջանի վերահսկողության տակ գտնվող ճանապարհներով (Մարտակերտ-Վարդենիս, Մարտակերտ-Ասկերան-Ստեփանակերտ) երթևեկության բացմանը հայերի համար։ Նրանք հիմնավորեցին խնդրանքն այն փաստով, որ ադրբեջանցիներն անցնում են հայերի կողմից վերահսկվող Մարտակերտի շրջանով, մինչդեռ իրենք այդպիսի հնարավորություն չունեն։

Ռուս սակրավորները ականազերծում են Մարտակերտի գյուղատնտեսական տարածքները

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала