ԵՐԵՎԱՆ, 10 մայիսի -Sputnik. Իսրայելի պաշտպանության բանակի տանկերը հարվածներ են հասցրել պաղեստինյան ՀԱՄԱՍ շարժման օբյեկտներին։ Տեղեկությունը հայտնել է Իսրայելի ԶՈւ մամուլի ծառայությունը Twitter-ի էջում։
Նշվում է, որ հարվածները հասցվել են ի պատասխան Գազայի հատվածի հրթիռակոծության: Զինված ուժերի տվյալներով ՝ Գազայից Իսրայելի տարածքին հարվածել են 4 հրթիռներ, ինչպես նաև այլ պայթուցիկներ:
🛑 Hamas targets Israeli civilians.
— Israel Defense Forces (@IDF) May 10, 2021
🛑 We target terror.
In response to the explosive arson balloons & 4 rockets fired from Gaza at Israel yesterday, IDF tanks just struck Hamas terror targets in Gaza.
«Իզվեստիա» թերթի տվյալներով էլ՝ Իսրայելի պաշտպանության բանակը մայիսի 9-ին հարված է հասցրել Գազայի հատվածի հարավային մասում պաղեստինյան ՀԱՄԱՍ շարժման ռազմական դիրքերին՝ ի պատասխան իրենց տարածքի հրթիռակոծման: Նույն օրը երեկոյան Իսրայելի ուղղությամբ երկու հրթիռ էր արձակվել Գազայի հատվածից, որոնցից մեկը խոցվել էր «Երկաթե գմբեթ» հակաօդային պաշտպանության համակարգի կողմից։
Սիրիայում Իսրայելի հրթիռային հարվածի հետևանքով կին ու երեխա է տուժել
Հրթիռակոծությունները տեղի են ունենում Արևելյան Երուսաղեմի լարվածության սրման ֆոնին, որտեղ մի քանի օր շարունակ բախումներ են ընթանում պաղեստինցիների հետ։
Պաղեստինի առաջնորդ Մահմուդ Աբասը կոչ է արել ՄԱԿ-ի Անվտանգության խորհրդին նիստ հրավիրել Արևելյան Երուսաղեմում ստեղծված իրավիճակը քննարկելու համար: Նիստը նախատեսվում է անցկացնել մայիսի 10-ին։
