Քորթնին, Քլոեն և Քենդալը «բիշի» են պատրաստել Քարդաշյանների հայ տատիկի բաղադրատոմսով

© AP Photo / Jordan StraussСемья Кардашьян
Семья Кардашьян - Sputnik Արմենիա, 1920, 10.05.2021
Աստղային Քարդաշյան քույրերից ավագը՝ Քորթնին, հաճախ է հետևորդներին ծանոթացնում հայկական խոհանոցի հետ։ Այս անգամ նա ներկայացրել է «բիշի» կոչվող թխվածքը՝ Էլեն տատի բաղադրատոմսով։

ԵՐԵՎԱՆ, 10 մայիսի – Sputnik. Հայազգի հեռուստաաստղ, մոդել, Poosh նախագծի ղեկավար Քորթնի Քարդաշյանը Instagram-ի իր Stories-ում լուսանկար է հրապարակել, որում երևում է «բիշի» կոչվող թխվածքի համար պատրաստված խմորը։

© Photo : Instagram / kourtneykardashՔորթնի Քարդաշյանի Instagram-ի էջից
Քորթնին, Քլոեն և Քենդալը «բիշի» են պատրաստել Քարդաշյանների հայ տատիկի բաղադրատոմսով - Sputnik Արմենիա, 1920, 10.05.2021
Քորթնի Քարդաշյանի Instagram-ի էջից

«Հայկական բիշի»,-մակագրել է նա լուսանկարը և նշել քույրերին՝ Քենդալին և Քլոեին։

Քենդալն իր հերթին լուսանկար է տեղադրել, որտեղ պարզաբանել է․ «Քորթնին՝ խմորը, Քեննին՝ պատրաստելը, Քլոեն՝ տապակելը»,-գրել է սուպերմոդելը։

Ավելի վաղ սիրելի քաղցրավենիքների, մասնավորապես՝ «բիշիի» մասին պատմել էր Քիմ Քարդաշյանը։ Նրա խոսքով՝ հայկական խոհանոցի համեղագույն կերակուրներ հաճախ էր պատրաստում իր Էլեն տատիկը՝ Ռոբերտ Քարդաշյանի մայրը։

© Photo : Instagram / kourtneykardashՔորթնի Քարդաշյանի Instagram-ի էջից
Քորթնին, Քլոեն և Քենդալը «բիշի» են պատրաստել Քարդաշյանների հայ տատիկի բաղադրատոմսով - Sputnik Արմենիա, 1920, 10.05.2021
Քորթնի Քարդաշյանի Instagram-ի էջից

 «Նա տիպիկ հայ տատիկ էր։ Միշտ համեղ ազգային ուտելիքներ էր պատրաստում։ Մեր ամենասիրելին «բիշիով» նախաճաշն էր։ Դա տապակած բլիթ է՝ մեծ քանակությամբ շաքարով։ Տատիկը մեզ թողել է բաղադրատոմսերը, բայց բոլորիցս լավ դրանք Քորթնին է յուրացրել։ Ամեն տարի հորս ընտանիքը հավաքվում է, և Քորթնին «բիշի» է պատրաստում բոլորիս համար»,-ասել էր նա։

«Ուզում եմ անձամբ ձեզ ասել». Քիմ Քարդաշյանն արտասվել է իր շոուի նկարահանման ժամանակ

Քորթնին հաճախ է հետևորդներին ծանոթացնում հայկական խոհանոցի կերակրատեսակների հետ։ Բոլորովին վերջերս նա լուսանկար էր հրապարակել Instagram-ում՝ շատ ախորժելի տեսք ունեցող հայկական տոլմայով, ընդ որում՝ երեք տեսակի․ խաղողի տերևներով, կաղամբով և բանջարեղենով։

Պարզվել էր, որ տոլման պատրաստել է Նարբեն՝ Քարդաշյան ընտանիքի նվիրված երկրպագուն, իր տատիկի՝ Հասմիկի հետ միասին։ Կերակրատեսակների բաղադրատոմսերը հրապարակվում են Poosh կայքում, որը ղեկավարում է մոդելը։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала